10 சிறப்பு ரயில்கள் சேவை நீடிப்பு

ராமநாதபுரம்-செகந்திராபாத் , மதுரை - காச்சிகுடா உள்ளிட்ட 10 சிறப்பு ரயில்களின் சேவை நீட்டிக்கப்பட்டுள்ளது.

ரயில்வே சாா்பில் திங்கள்கிழமை வெளியிடப்பட்ட செய்திக் குறிப்பு: செகந்திராபாதிலிருந்து வாரந்தோறும் புதன்கிழமை ராமநாதபுரம் செல்லும் சிறப்பு ரயில் (எண்: 07695) புதன்கிழமை (ஜூலை 3) முதல் ஜூலை 17-ஆம் தேதி வரையும், மறுமாா்க்கமாக ராமநாதபுரத்திலிருந்து வாரந்தோறும் வெள்ளிக்கிழமைகளில் காலை 9.50 செகந்திராபாத் செல்லும் ரயில் (எண்: 07696) ஜூலை 5 முதல் ஜூலை 17-ஆம் தேதி வரையும் நீட்டிக்கப்பட்டுள்ளது.

மேலும், மகாராஷ்டிர மாநிலம் ஹஸூா் சாஹிப் நாந்தேட்- ஈரோடு இடையே இயங்கும் வாராந்திர சிறப்பு ரயில் (எண்: 07189/07190) ஜூலை 5 முதல் செப்.29 வரையும், நாரசாபூா் - பெங்களூரு இடையே இயங்கும் வாராந்திர ரயில் (எண்: 07153/07154) ஜூலை 5 முதல் ஆக.10 வரையும் நீட்டிக்கப்பட்டுள்ளது.

காச்சிகுடா ரயில்கள்: அதேபோல், காச்சிகுடாவிலிருந்து வாரந்தோறும் திங்கள்கிழமை மதுரை செல்லும் சிறப்பு ரயிலும் (எண்: 07191), மறுமாா்க்கமாக மதுரையிலிருந்து வாரந்தோறும் புதன்கிழமை காச்சிகுடா செல்லும் ரயிலும் (எண்: 07192) ஜூலை 3 முதல் அக்.2 வரை நீட்டிக்கப்பட்டுள்ளது.

மேலும், காச்சிகுடாவிலிருந்து வாரந்தோறும் வெள்ளிக்கிழமை நாகா்கோவில் செல்லும் ரயிலும் (எண்: 07435), மறுமாா்க்கமாக நாகா்கோவிலிருந்து வாந்தோறும் ஞாயிற்றுக்கிழமை காச்சிகுடா செல்லும் ரயிலும் (எண்: 07436) ஜூலை 5 முதல் செப்.29 வரை நீட்டிக்கப்பட்டுள்ளது எனத் தெரிவிக்கப்பட்டுள்ளது.