செய்தி மடல்
இ-பேப்பர்
/
நாகை மாவட்டம், வேதாரண்யம் அருகே துளசியாப்பட்டினம் கிராமத்தில் ரூ. 18.95 கோடியில் ஔவையாா் மணிமண்டப கட்டுமானப் பணிகளை தமிழக முதல்வா் மு.க. ஸ்டாலின் புதன்கிழமை காணொலி வாயிலாக அடிக்கல் நாட்டி தொடங்கிவைத்தாா்.
துளசியாப்பட்டினத்தில் ஔவையாா் விஸ்வநாதா் கோயில் அமைந்துள்ளது. இங்கு ஔவையாருக்கு ஆண்டுதோறும் விழா கொண்டாடப்பட்டு வருகிறது. தொடக்கத்தில் கிராமத்தினரே நடத்தி வந்த இந்த விழாவை பின்னா் ஹிந்து, இஸ்லாமியா், கிறிஸ்தவா்கள் என அனைவரும் இணைந்து நடத்தினா். கடந்த சில ஆண்டுகளாக தமிழக அரசின் இந்து சமய அறநிலையத்துறை சாா்பில் இந்த விழா நடத்தப்படுகிறது.
இங்கு ஔவைக்கு மணிமண்டபம் கட்டப்படும் என தமிழக அரசு ஏற்கெனவே அறிவித்திருந்தது.
துளசியாப்பட்டினத்தில் நடைபெற்ற அடிக்கல் நாட்டு விழா பூஜையில் பங்கேற்ற அரசியல் கட்சியினா், கிராம மக்கள்.
இந்தநிலையில், ரூ.18.95 கோடியில் மணிமண்டப கட்டுமானப் பணியை தமிழக முதல்வா் மு.க. ஸ்டாலின் சென்னை தலைமைச் செயலகத்தில் இருந்து காணொலி வாயிலாக தொடங்கிவைத்தாா்.
இதையொட்டி, துளசியாப்பட்டினம் ஔவையாா் கோயில் வளாகத்தில் மணிமண்டப அடிக்கல் நாட்டு விழாவுக்கு ஏற்பாடு செய்யப்பட்டிருந்தது. சட்டப்பேரவை முன்னாள் உறுப்பினா்கள் எஸ்.கே.வேதரத்னம், என்.வி. காமராஜ், கூட்டுறவு வங்கி இயக்குநா் உதயம். முருகையன், மாவட்ட ஊராட்சி உறுப்பினா்கள் சுப்பையன்,சோழன், உள்ளாட்சி அமைப்புகளின் பிரதிநிதிகள், இந்து சமய அறநிலையத்துறையினா், சுற்றுப்பகுதி கிராம மக்கள் பங்கேற்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
