கிண்டியில் குழந்தைகள் உயா் சிறப்பு மருத்துவமனை: விரைவில் பணிகளைத் தொடக்கி வைக்கிறாா் முதல்வா்

சென்னை கிண்டி கிங் ஆய்வக வளாகத்தில் ரூ. 487.66 கோடியில் குழந்தைகளுக்கான பிரத்யேக உயா் சிறப்பு மருத்துவமனை அமைக்கும் பணிகளை வரும் செப்டம்பரில் முதல்வா் மு.க.ஸ்டாலின் தொடங்கி வைக்க உள்ளாா் என்று மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

முன்னதாக, கிங் ஆய்வக வளாகத்தில் அவா் ஞாயிற்றுக்கிழமை ஆய்வு மேற்கொண்டாா். அப்போது, செய்தியாளா்களிடம் அமைச்சா் மா.சுப்பிரமணியன் கூறியது:

திமுக அரசு பொறுப்பேற்றதில் இருந்து பல்வேறு மருத்துவ கட்டமைப்புகளைத் தொடா்ந்து மேற்கொண்டு வருகிறது. அந்த வகையில், கிண்டி கிங் ஆய்வக வளாகத்தில் ரூ.450 கோடியில் அதிநவீன வசதிகளுடன் கூடிய கலைஞா் நூற்றாண்டு உயா்சிறப்பு மருத்துவமனை அமைக்கப்பட்டுள்ளது. அறிவிக்கப்பட்ட 18 மாதங்களிலேயே மருத்துவமனை பணிகள் முடிக்கப்பட்டு மக்கள் பயன்பாட்டுக்கு கொண்டுவரப்பட்டது. தினமும் 2,000-க்கும் மேற்பட்ட புறநோயாளிகள் இங்கு சிகிச்சை பெறுகின்றனா்.

இதே வளாகத்தில் தேசிய முதியோா் நல மருத்துவமனையும் தொடங்கப்பட்டுள்ளது. இங்கு ஆயிரக்கணக்கான முதியோா் சிகிச்சை பெற்று பயன்பெறுகின்றனா். தொடா்ச்சியாக, இந்த வளாகத்திலேயே குழந்தைகளுக்கான உயா்சிறப்பு மருத்துவமனை அமைய உள்ளது. மருத்துவமனை அமைய இருக்கும் இடத்தை, துறை உயா் அலுவலா்களுடன் பாா்வையிட்டு ஆய்வு செய்துள்ளோம். சுமாா் 6.5 ஏக்கா் நிலப்பரப்பில் மருத்துவமனை அமைய இருக்கிறது.

தரைத்தளம் மற்றும் 6 தளங்களுடன் கூடிய இக்கட்டடம் 3,15,290 சதுர அடி பரப்பில் கட்டப்பட உள்ளது. செவிலியா் விடுதிகள், முதுநிலை மருத்துவ மாணவா்கள் விடுதிகளையும் சோ்த்து மொத்தம் 4,38,718 சதுர அடி பரப்பில் அந்த கட்டமைப்பு அமைய உள்ளது. இதற்காக ரூ.487.66 கோடி ஒதுக்கீடு செய்யப்பட்டுள்ளது.

தமிழ்நாடு டாக்டா் எம்ஜிஆா் மருத்துவ பல்கலைக்கழகத்தின் கீழ் நிா்வகிக்கப்பட உள்ள இந்த மருத்துவமனைக்கு இடம் தோ்வு செய்யும் பணி முடிந்துள்ளது. அடுத்தகட்டமாக மருத்துவமனை கட்டடப் பணிகள் தொடங்கப்படும். ஒப்பந்ததாரா்களுக்கு 2 ஆண்டுகள் கால அவகாசம் வழங்கப்படவுள்ளது.

இந்தப் பணியை வரும் செப்டம்பரில் முதல்வா் முதல்வா் மு.க.ஸ்டாலின் தொடங்கி வைக்கவுள்ளாா். இந்த மருத்துவமனை தொடங்கப்பட்ட பிறகு, இந்தியாவில் இருந்து மட்டுமல்லாமல் உலகின் பல்வேறு நாடுகளில் இருந்தும் குழந்தைகளை சிகிச்சைக்கு அழைத்து வரப்படுவாா்கள் என்றாா் அவா்.

பேட்டியின்போது, மக்கள் நல்வாழ்வுத் துறை செயலா் ப.செந்தில்குமாா், தேசிய நலவாழ்வு குழும இயக்குநா் டாக்டா் அருண்தம்புராஜ், தமிழ்நாடு சுகாதார அமைப்பு திட்ட இயக்குநா் வினீத், தமிழ்நாடு டாக்டா் எம்ஜிஆா் மருத்துவப் பல்கலைக்கழக துணைவேந்தா் டாக்டா் கே. நாராயணசாமி, பதிவாளா் டாக்டா் சிவசங்கீதா, கிங் ஆய்வக இயக்குநா் இந்துமதி, கலைஞா் நூற்றாண்டு உயா் சிறப்பு மருத்துவமனை இயக்குநா் பாா்த்தசாரதி உள்ளிட்டோா் உடனிருந்தனா்.