கூட்டணியில் மாநிலங்களவை எம்.பி. சீட் கேட்கப்பட்டதா? - டிடிவி தினகரன் பதில்!

அதிமுக - பாஜக கூட்டணியில் மாநிலங்களவை எம்.பி. சீட் கேட்கவில்லை என்று அமமுக பொதுச் செயலாளர் டிடிவி தினகரன் கூறியுள்ளார்.

நெல்லையில் செய்தியாளர்களுடன் பேசிய அவர்,

"கூட்டணியில் சுமூகமாக தொகுதிப் பங்கீடு நடைபெற்று எங்கள் கூட்டணி வெற்றியை நோக்கிச் செல்ல வேண்டும் என்பதற்காக நான் தேர்தலில் போட்டியிட வேண்டாம் என்று முடிவெடுத்தேன்.

அதுபோல தொகுதிப் பங்கீட்டில் சுமூகமாக நிலை எட்டப்பட வேண்டும் என்பதற்காகவே, நான் பாஜக வழிநடத்தலின்படி எங்கள் கட்சிக்கு தொகுதிகள் பெறுவேன் என்று கூறினேன்.

நான் கூட்டணியில் மாநிலங்களவை எம்.பி. சீட் கேட்கவில்லை, கொஞ்சம் பொறுத்திருங்கள், கௌரவமான தொகுதிகளில் நாங்கள் போட்டியிடுவோம். நீங்கள் பாராட்டுகிற அளவுக்கு நாங்கள் முக்கியமான தொகுதிகளில் போட்டியிட்டு வெற்றி பெற்று சட்டமன்றத்திற்குச் செல்வோம்" என்று கூறினார்.