முதல்வரின் தனிச் செயலராக ஜெகதீஷ் பழனிசாமி நியமனம்!

முதல்வர் சி. ஜோசப் விஜய்யின் தனிச் செயலாளராக (அரசியல்) ஜெகதீஷ் பழனிசாமி நியமிக்கப்பட்டுள்ளதாக தமிழக அரசு அதிகாரப்பூர்வமாக இன்று (ஜூன் 22) அறிவித்தது.

தவெக தேர்தல் வியூகம், வார் ரூம் பணிகளை மேற்கொண்ட ரூட் அமைப்பின் நிறுவனரான ஜெகதீஷ் பழனிசாமியை, முதல்வரின் தனிச் செயலராக, மே 12 ஆம் தேதி நியமனம் செய்தது குறித்து இன்று அதிகாரப்பூர்வ அறிவிப்பு வெளியாகியுள்ளது.

சற்று நேரம் முன்பு, ஜெகதீஷ் பழனிசாமி தன்னுடைய சமூக வலைதளப் பக்கத்தில், ரசிகனாக உங்களுடன் புகைப்படம் எடுத்துக்கொண்ட நான், இப்போது தனிச் செயலாளராக புகைப்படம் எடுத்துக்கொண்டதாகக் குறிப்பிட்டு பிறந்தநாள் வாழ்த்து தெரிவித்திருந்தார்.

கடந்த 13 ஆண்டுகளுக்கும் மேலாக விஜய்யுடன் ஜெகதீஷ் பழனிசாமி பயணித்து வரும் சூழலில், முதல்வரின் தனிச் செயலராகப் பொறுப்பு வழங்கப்பட்டுள்ளது.