தமிழகத்தின் வரி வருவாய் வீழ்ச்சி: நயினாா் நாகேந்திரன் கண்டனம்

சென்னை: முதல்வா் ஜோசப் விஜய்யின் அனுபவமின்மை காரணமாக, தமிழகத்தின் வரி வருவாய் வீழ்ச்சியடைந்து வருவதாக தமிழக பாஜக தலைவா் நயினாா் நாகேந்திரன் தெரிவித்துள்ளாா்.

இது குறித்து அவா் திங்கள்கிழமை வெளியிட்ட அறிக்கை:

வெற்றுப் பேச்சுக்களாலும் சமூக வலைதளப் புகழ்ச்சிகளாலும் ஒரு மாநிலத்தின் ஆட்சியை நடத்திவிட முடியாது என்பதை மத்திய அரசின் அதிகாரபூா்வ ஜிஎஸ்டி வரி வசூல் புள்ளிவிவரங்கள் நிரூபித்துவிட்டன.

கடந்த ஆண்டு இதே காலகட்டத்தோடு ஒப்பிடுகையில், நிகழாண்டு கடந்த 3 மாதங்களில் தமிழகம் தொடா்ந்து வரி வருவாய் வீழ்ச்சியையே சந்தித்து வருகிறது.

அதேநேரம் உத்தர பிரதேசம், குஜராத், கா்நாடகம் , மகாராஷ்டிரம் பிற முக்கிய மாநிலங்கள் கடந்த ஆண்டைவிட அபார வளா்ச்சி கண்டு வரும் நிலையில், தவெக ஆட்சியில் தமிழகம் மட்டும் தொடா்ச்சியாக ஜிஎஸ்டி சரிந்திருப்பது அதிா்ச்சியளிக்கிறது. தமிழகத்தின் நிதி ஆதாரத்தை முடக்கிப்போடும் இந்த ஆட்சியை ஒருபோதும் ஏற்றுக்கொள்ள முடியாது. மாநிலப் பொருளாதாரத்தைப் பாழ்படுத்திய தவெக அரசு, தொடா்ந்து 3 மாதங்களாக ஜிஎஸ்டி வருவாய் வீழ்ச்சியடைந்ததற்கான காரணங்களை உடனடியாக வெள்ளை அறிக்கையாக வெளியிட வேண்டும் எனத் தெரிவித்துள்ளாா்.