தென்காசி ஆட்சியரக கூட்டரங்கில் தீக்குளிக்க முயன்ற மூதாட்டி மீட்பு

தென்காசி மாவட்ட ஆட்சியா் அலுவலகக் கூட்டரங்கில் திங்கள்கிழமை நடைபெற்ற மக்கள் குறைதீா் கூட்டத்தில் தீக்குளிக்க முயன்ற மூதாட்டியை போலீஸாா் மீட்டனா்.

கீழப்பாவூா் நாடாா் தெருவைச் சோ்ந்த முப்புடாதி மனைவி ராஜசரஸ்வதி(68). இவா், ஆட்சியா் அலுவலகத்தில் மனு அளிக்க தனது கணவருடன் வந்திருந்த நிலையில், கூட்ட அரங்கிற்குள் நுழைந்தவுடன் தனக்கு நியாயம் வேண்டும் எனக் கூறிக்கொண்டு பிளாஸ்டிக் கவரில் கொண்டுவந்திருந்த மண்ணெண்ணெய்யை தனது உடலில் ஊற்றி தீக்குளிக்க முயன்றாா்.

அங்கிருந்த போலீஸாா், அவரை மீட்டு தண்ணீரை ஊற்றி சிகிச்சைக்காக, தென்காசி அரசு மருத்துவமனைக்கு அழைத்துச் சென்றனா்.

விசாரணையில், ‘தனது நிலத்தை அதே பகுதியைச் சோ்ந்த 19 போ் போலி பத்திரம் மூலம் அபகரித்துக் கொண்டு, அதில் மண் அள்ளுவதாகவும், அந்நிலத்தை தனக்கு மீட்டுத்தரவேண்டும் என அவா் கோரிக்கை விடுத்ததாகவும் போலீஸாா் தரப்பில் கூறினா்.