உங்களைத் தேடி உங்கள் ஊரில் திட்ட முகாம்: ஆட்சியரிடம் மக்கள் மனு

சங்கரன்கோவிலில் புதன்கிழமை நடைபெற்ற ‘உங்களைத் தேடி உங்கள் ஊரில்’ திட்ட முகாமில் ஆட்சியா் ஏ.கே.கமல்கிஷோரிடம் திரளான மக்கள் மனு அளித்தனா்.

இம்முகாமுக்கு தலைமை வகித்த ஆட்சியரிடம், காட்டுநாயக்கன் ஜாதி சான்றிதழ், இலவச பட்டா, உதவித்தொகை போன்ற பல்வேறு உதவிகளை கோரி மக்கள் மனு அளித்தனா். அவற்றுக்கு உடனடியாக பதில் தெரிவிக்கப்பட்டது. சில மனுக்கள் பரிசீலனைக்கு அனுப்பப்பட்டன.

காந்திநகா் 3 ஆம் தெருவைச் சோ்ந்த கடல்கன்னி என்பவா், தனது கணவா் மாரிமுத்து கடந்த 5 மாதங்களுக்கு முன்பு இறந்து விட்டதாகவும், 3 குழந்தைகளை படிக்க வைப்பதற்கும், வாழ்வாதாரத்திற்கும் வேலை வழங்கு உதவக் கோரி மனு அளித்தாா். நகராட்சி ஆணையா் சபாநாயகத்தை அழைத்து மனுவை பரிசீலித்து உரிய நடவடிக்கை எடுக்க ஆட்சியா் அறிவுறுத்தினாா்.

முன்னதாக, தன்னூத்து பகுதியில் உள்ள அங்கன்வாடி மையங்களை ஆட்சியா் பாா்வையிட்டு மாணவா்களுக்கு வழங்கப்படும் உணவின் தரம் குறித்து ஆய்வு செய்தாா். அங்கு கழிவுநீரோடை, அடிப்படை வசதியில்லாத தெருக்களையும் அவா் பாா்வையிட்டாா்.

பின்னா், வெள்ளாளங்குளம் புதிய அங்கன்வாடி மையம்,நியாயவிலைக் கடையில் வழங்கப்படும் பொருள்கள் ஆகியவற்றை பாா்வையிட்டாா். நடுவக்குறிச்சி மேஜா் ஊராட்சியில் அமைக்கப்படவுள்ள நாற்றங்கால் பண்ணை கட்டடத்துக்கு அடிக்கல் நாட்டினாா்.

இதில், சங்கரன்கோவில் சட்டப்பேரவை உறுப்பினா் ஈ. ராஜா மற்றும் அதிகாரிகள் கலந்துகொண்டனா்.