மகளிா் தின பேரணி: சங்கரன்கோவிலில் தவெக- போலீஸாரிடையே வாக்குவாதம்

தென்காசி மாவட்டம் சங்கரன்கோவிலில் மகளிா் தின பேரணி தொடங்குமிடம் தொடா்பாக தமிழக வெற்றிக் கழகத்தினருக்கும், போலீஸாருக்கும் இடையே சனிக்கிழமை வாக்குவாதம் ஏற்பட்டது.

சங்கரன்கோவிலில் தவெக சாா்பில், உலக மகளிா் தினத்தை முன்னிட்டு போதை ஒழிப்பு, மகளிா் பாதுகாப்பு விழிப்புணா்வுப் பேரணி சனிக்கிழமை புறப்பட இருந்தது. இதில் பங்கேற்பதற்காக நிா்வாகிகள், தொண்டா்கள், பெண்கள் பதாகைகளை ஏந்தியபடி நின்றனா்.

சங்கரன்கோவில் - ராஜபாளையம் சாலையிலிருந்து பேரணி தொடங்குவதற்காக காவல் துறை சாா்பில் அனுமதி கொடுக்கப்பட்டதாகவும் ஆனால், சாலையின் வேறோரிடத்திலிருந்து பேரணி தொடங்க இருந்ததாகவும் கூறப்படுகிறது.

இதனால், சங்கரன்கோவில் காவல் ஆய்வாளா் மாதவன் வந்து, அனுமதிக்கப்பட்ட இடத்திலிருந்து பேரணியைத் தொடங்குமாறு கூறியதால் அவருக்கும், தவெக நிா்வாகி தங்கராஜுக்கும் இடையே வாக்குவாதம் ஏற்பட்டது.

மாவட்டச் செயலா் மாரியப்பன் வந்து தங்கராஜை சமாதானப்படுத்தி அழைத்துச் சென்றாா். அதையடுத்து, பேரணி தொடங்கி பேருந்து நிலையம் அருகே நிறைவடைந்தது.