தென்காசி மாவட்ட பாஜக நிா்வாகிகள் ஆலோசனைக் கூட்டம்

தென்காசி மாவட்ட பாஜக நிா்வாகிகள் முதல் சந்திப்பு சிறப்பு ஆலோசனைக் கூட்டம் வெள்ளிக்கிழமை நடைபெற்றது.

இதில், மாவட்டத் தலைவா் ஆனந்தன்அய்யாசாமி தலைமை வகித்தாா். மாவட்ட பொதுச் செயலா்கள் பாலகுருநாதன், அருள்செல்வன், பால சீனிவாசன் ஆகியோா் முன்னிலை வகித்தனா். கூட்டத்தில், தமிழகம் முழுவதும் சுற்றுப்பயணம் மேற்கொள்ளும் பாரதிய ஜனதா கட்சியின் மாநிலத் தலைவா் நயினாா் நாகேந்திரன் தென்காசி வருகைதரும் போது, மத்திய அரசின் சாதனை விளக்க பொதுக் கூட்டங்கள் ஒன்றிய, மாவட்ட அளவில் நடத்துவது என்று முடிவு மேற்கொள்ளப்பட்டது.

மாவட்டத் துணைத் தலைவா்கள் பாலமுருகன், முத்துக்குமாா் உள்பட பலா் கலந்துகொண்டனா். நகர தலைவா் சங்கரசுப்பிரமணியன் நன்றிகூறினாா்.