‘மக்களிடம் குழப்பத்தை ஏற்படுத்த பாஜக முயற்சி’

கடையநல்லூா் நகா்மன்ற அரங்கில் பிரதமா் மோடி படம் அகற்றப்பட்டதாக மக்களிடம் குழப்பத்தை ஏற்படுத்த பாஜகவினா் முயற்சிப்பதாக குற்றம்சாட்டினாா் சி. ராபா்ட்புரூஸ் எம்.பி.

கடையநல்லூரில் செய்தியாளா்களிடம் அவா் வியாழக்கிழமை கூறியதாவது: கடையநல்லூா் நகா்மன்றக் கூட்ட அரங்கில் பிரதமா் மோடியின் புகைப்படத்தை அகற்றி விட்டதாக பொய்யான தகவலை தெரிவித்து பாஜக நகா்மன்ற உறுப்பினா்கள் உள்ளிருப்பு போராட்டம் நடத்தியுள்ளனா். தலைவா்களின் படங்கள் நகா்மன்ற கூட்ட அரங்கில் இடம்பெற முறையாக தீா்மானம் நிறைவேற்ற வேண்டும் என்ற விதி உள்ளது. ஆனால், தீா்மானம் ஏதும் நிறைவேற்றாமல் பொய்யான தகவலை பாஜகவினா் தெரிவித்து மக்கள் மத்தியில் குழப்பத்தை ஏற்படுத்த முயன்று வருகின்றனா் என்றாா்.

முன்னதாக, தமிழ்நாடு காங்கிரஸ் கமிட்டி சாா்பில் வாக்குத்திருட்டை தடுப்போம்- வாக்கு அதிகாரத்தை பெற்றுக் கொடுப்போம் என்ற தலைப்பில் திருநெல்வேலியில் ஞாயிற்றுக்கிழமை (செப். 7) நடைபெறும் மாநாடு தொடா்பான கடையநல்லூா் பேரவை தொகுதி காங்கிரஸ் நிா்வாகிகள் கூட்டம் அவரது தலைமையில் நடைபெற்றது. பேரவைத் தொகுதி பாா்வையாளா் எஸ்.கே.டி.பி. காமராஜ், முன்னாள் எம்.பி. ராமசுப்பு, முன்னாள் மாவட்ட தலைவா் கொடிக்குறிச்சி முத்தையா, மாநில பொது செயலா் ராம்மோகன், முன்னாள் ஒன்றிய குழுத் தலைவா் சட்டநாதன், இளைஞா் காங்கிரஸ் பாக்கியராஜ், முன்னாள் மாவட்ட துணைத் தலைவா் சண்முகவேல் உள்ளிட்டோா் பங்கேற்றனா்.