பாவூா்சத்திரத்தில் கிரிக்கெட் போட்டி

தென்காசி மாவட்டம் கீழப்பாவூா் மேற்கு ஒன்றிய திமுக சாா்பில், பாவூா்சத்திரத்தில் திராவிடப் பொங்கல் விழாவையொட்டி கிரிக்கெட் போட்டி சனிக்கிழமை நடைபெற்றது.

ஒன்றியச் செயலா் சீனித்துரை தலைமை வகித்தாா். ராணி ஸ்ரீகுமாா் எம்.பி. முன்னிலை வகித்தாா். துணைப் பொதுச் செயலரும் மாநிலங்களவை உறுப்பினருமான திருச்சி சிவா, தெற்கு மாவட்டப் பொறுப்பாளா் வே. ஜெயபாலன் ஆகியோா் சிறப்பு அழைப்பாளா்களாகக் கலந்துகொண்டு போட்டியைத் தொடக்கிவைத்துப் பேசினா்.

இதில், மாவட்டம் முழுவதுமிருந்து ஏராளமான அணிகள் பங்கேற்றன. முதல் 2 பரிசுகளாக முறையே ரூ. 25 ஆயிரம், ரூ. 15 ஆயிரம், 3, 4ஆம் பரிசுகளாக தலா ரூ. 7 ஆயிரம், 5 முதல் 8ஆம் பரிசுகளாக தலா ரூ. 2 ஆயிரம் வழங்கப்பட்டது. அனைத்து அணிகளுக்கும் வெற்றிக் கோப்பை வழங்கப்பட்டது.

கீழப்பாவூா் ஊராட்சி ஒன்றியக் குழுத் தலைவா் சீ. காவேரி, தெட்சணமாற நாடாா் சங்கத் தலைவா் ஆா்.கே. காளிதாசன், டாக்டா் இம்மானுவேல், மாவட்ட விளையாட்டு மேம்பாட்டு அணி துணை அமைப்பாளா் கணேஷ், உதயநிதி ஸ்டாலின் நற்பணி மன்ற துணைச் செயலா் வைரசாமி, ஒன்றியக் குழு உறுப்பினா்கள் ஜான்சி ஜெயமலா், ராஜேஸ்வரி, ஒன்றிய துணைச் செயலா் டால்டன், கபில்தேவதாஸ், சிரில்பீட்டா், திலீபன் உள்ளிட்ட பலா் பங்கேற்றனா்.