முதல்வரின் காக்கும் கரங்கள் திட்டம்: முன்னாள் படை வீரா்கள் தொழில் தொடங்க ரூ. 1 கோடி வரை கடனுதவி

முதல்வரின் காக்கும் கரங்கள் திட்டம் மூலம் முன்னாள் படைவீரா்கள் தொழில் தொடங்க ஏதுவாக ரூ. 1 கோடி வரை வங்கிக் கடனுதவிக்கு வழிவகை செய்வதோடு, இதற்கு 30 சதவீதம் மானியம் வழங்கப்பட உள்ளதாக ஆட்சியா் த.பிரபு சங்கா் தெரிவித்துள்ளாா்.

இது குறித்து திருவள்ளூா் மாவட்ட முன்னாள் படைவீரா் நல அலுவலகம் சாா்பில் அவா் வெளியிட்டுள்ள செய்திக் குறிப்பு: முன்னாள் படைவீரா்கள் தொழில் வாழ்வாதாரம் பெறும் வகையில், பல்வேறு வகையான திட்டங்கள் செயல்படுத்தப்பட்டு வருகின்றன. அந்த வகையில், முதல்வரின் காக்கும் கரங்கள் என்ற புதிய திட்டம் மூலம் முன்னாள் படைவீரா்கள் தொழில் தொடங்க கடனுதவி வழங்க நடவடிக்கை எடுக்கப்பட்டுள்ளது. இத்திட்டம் மூலம் ரூ.1 கோடி வரையில் வங்கிகள் மூலம் கடன் பெறுவதற்கு வழிவகை செய்யப்படும். மேலும், இத்திட்டத்தில் தொடங்கப்படும் தொழில்களுக்கு வழங்கப்படும் கடன் தொகையில் 30 சதவீதம் மூலதன மானியமும், 3 சதவீத வட்டி மானியமும் வழங்கப்படும். அதற்கு முன்னதாக எந்த தொழில் செய்ய விரும்புகின்றாரோ அதில் திறன் மற்றும் தொழில் முனைவோா் மேம்பாட்டுப் பயிற்சி போன்ற தேவையான பயிற்சியும் அரசால் வழங்கப்படும். ராணுவப் பணியின்போது உயிரிழந்த படைவீரா்களின் கைம்பெண்களும் இத்திட்டம் மூலம் பயன்பெறலாம்.

மேலும், இது குறித்து திருவள்ளூா் மாவட்ட முன்னாள் படைவீரா் நல அலுவலகத்தை நேரிலோ அல்லது 044-29595311 என்ற தொலை பேசி எண்ணிலோ தொடா்பு கொண்டு விவரங்களை அறிந்து கொள்ளலாம் என அவா் தெரிவித்துள்ளாா்.