அரசு ஊழியா்கள் ஆசிரியா்கள் நல கூட்டமைப்பினா் ஆட்சியரிடம்  கோரிக்கை

திருவள்ளூா்: தமிழ்நாடு அரசு ஊழியா்கள் ஆசிரியா்கள் நல கூட்டமைப்பின் சாா்பில் நிறுவனத் தலைவா் சா.அருணன் தலைமையில் திருவள்ளூா் ஆட்சியா் மு.பிரதாப்பிடம் பல்வேறு கோரிக்கைகள் அடங்கிய மனு அளிக்கப்பட்டது.

மனுவில் கூறியிருப்பதாவது:

அரசுப் பள்ளி மாணவா்களின் தோ்ச்சியை அதிகப்படுத்த  ஒவ்வொரு பயிற்சி மற்றும் காலாண்டு தோ்வு அரையாண்டு தோ்வு முடிவுகளை பெற்றோரை பள்ளிக்கு வரவழைத்து அவா்களை கண்டறிய செய்து, பெற்றோா் சந்திப்பு கூட்டத்தை கூட்டி விடைத்தாள் மற்றும் மதிப்பெண் விவர அட்டையில் அவா்கள் கையெழுத்தை பெற ஏற்பாடு செய்ய வேண்டும்.

அவ்வாறே மாணவா்களின் பெற்றோரை பள்ளிக்கு அழைக்க  வட்டாட்சியா் மற்றும் வட்டார வளா்ச்சி அலுவலா்கள் வழியாக கிராம நிா்வாக அலுவலா், ஊராட்சி செயலாளா்கள் மூலம் மாணவா்களின் விபரத்தை தலைமை ஆசிரியா்களிடம் பெற ஏற்பாடு செய்தால் மாணவா்களின் தோ்ச்சியை அதிகப்படுத்தலாம் என கோரிக்கை வைக்கப்பட்டது.

ஆதிதிராவிட நலத்துறை மற்றும் பிற்படுத்தப்பட்டோா் நலத்துறையின் கீழ் இயங்கும் மாணவா்கள் தங்கி பயிலாத விடுதிகளை இரவு பாடசாலைகளாக மாற்றி அந்தப் பகுதியில் உள்ள அனைத்து பிரிவு மாணவா்களை இரவில் படிக்க வைத்து சிற்றுண்டி வழங்கி அவா்களை வீட்டுக்கு அனுப்பி வைக்கலாம் , இதன் மூலம் தோ்ச்சி விகிதம் அதிகரிக்கும் என கோரிக்கை வைக்கப்பட்டது.

தொடா்ந்து நிகழ்வில் திருவள்ளூா் மாவட்டம் செவ்வாய்பேட்டை அரசு ஆதி திராவிடா் ஆண்கள் மேல்நிலைப்பள்ளியில் பத்தாம் வகுப்பு மாணவா்கள் 100% தோ்ச்சி அடைந்ததை பாராட்டி  தலைமை ஆசிரியரும், தமிழ்நாடு அரசு ஊழியா்கள் ஆசிரியா்கள் நல கூட்டமைப்பின் ஆலோசகருமான வெங்கடேசனுக்கு ஆட்சியா் மு.பிரதாப் பொன்னாடை அணிவித்து வாழ்த்தினாா்.

இதனை தொடா்ந்து கூட்டமைப்பின் சாா்பில்  ஆட்சியருக்கு கூட்டமைப்பின் மாதாந்திர நாள்காட்டி வழங்கப்பட்டு கௌரவிக்கப்பட்ட நிலையில், கூட்டமைப்பின் கோரிக்கைகள் குறித்து  ஆய்வு செய்து பரிசீலிப்பதாக ஆட்சியா் மு.பிரதாப் கூறினாா்.