திருவள்ளூா் அருகே ‘உங்களுடன் ஸ்டாலின்’ திட்ட முகாம்

திருவள்ளூா் அருகே ‘உங்களுடன் ஸ்டாலின்’ திட்ட முகாமில் பொதுமக்கள் பங்கேற்று கோரிக்கை மனுக்களை அளித்த நிலையில், இதை சட்டப்பேரவை உறுப்பினா் வி.ஜி.ராஜேந்திரன் நேரில் பாா்வையிட்டு ஆய்வு மேற்கொண்டாா்.

திருவள்ளூா் அருகே பூண்டி ஊராட்சி ஒன்றியம், சிறுவானூா் ஊராட்சியில் ‘உங்களுடன் ஸ்டாலின்’ திட்ட முகாம் வெள்ளிக்கிழமை நடைபெற்றது. முகாமுக்கு, வட்டார வளா்ச்சி அலுவலா் செல்வி தலைமை வகித்து தொடங்கி வைத்தாா். இதில், சட்டப்பேரவை உறுப்பினா் வி.ஜி.ராஜேந்திரன் முகாமை பாா்வையிட்டு ஆய்வு மேற்கொண்டாா். அப்போது, அங்கு பணியில் ஈடுபட்டிருந்தவா்களிடம் பொதுமக்கள் அளிக்கும் கோரிக்கை மனுக்கள் அனைத்தையும் பெற்றுக் கொள்ளவும் என அவா் ஆலோசனை வழங்கினாா். அதைத் தொடா்ந்து அங்கிருந்த பொதுமக்களிடம் மனுக்கள் மீது ஒரு மாதத்துக்குள் பரிசீலனை செய்து நடவடிக்கை எடுக்கப்படும் என அவா் தெரிவித்தாா்.

முகாமில், புதிய சிறுவானூா், காலனி மற்றும் கொழுந்தலூா் கிராமங்களைச் சோ்ந்த பொதுமக்கள் பட்டா பெயா் மாற்றம், வீட்டுக்கு பட்டா வழங்கக் கோருதல், பிறப்பு, இறப்பு சான்றிதழ்கள், மகளிா் உரிமைத் தொகை உள்ளிட்ட பல்வேறு கோரிக்கைகள் குறித்த 200-க்கும் மேற்பட்ட மனுக்களை பொதுமக்கள் அளித்தனா்.

முகாமில் ஒன்றிய செயலா் கிறிஸ்டி, மாவட்ட இளைஞரணி துணை அமைப்பாளா் மோதிலால், பொதுக்குழு உறுப்பினா் சிட்டிபாபு, ஒன்றிய துணைச் செயலாளா் தங்கானூா் ஆனந்த், பொருளாளா் நடராஜன், நிா்வாகிகள் லோட்டஸ் கோபி உள்ளிட்டோா் பங்கேற்றனா்.