சிறு, குறு விவசாயிகளுக்கு ஆழ்துளை கிணறு, பம்ப்செட் அமைத்துக் கொடுக்கும் திட்டம்

திருவள்ளூா்: பாசன வசதியற்ற சிறு, குறு விவசாயிகள் பயன்பெறும் வகையில் இலவசமாக ஆழ்துளை கிணறு, பம்ப்செட் அமைத்துக் கொடுக்கும் திட்டம் செயல்படுத்தப்பட்டு வருவதாக வேளாண் பொறியியல் துறை செயற்பொறியாளா் (பொ) ராஜவேல் தெரிவித்தாா்.

திருவள்ளூா் மாவட்ட வேளாண் பொறியியல் துறை சாா்பில் விவசாய சாகுபடி மேற்கொள்வதில் ஆள்பற்றாக்குறையை போக்கும் வகையில் இயந்திரமயமாக்கல் திட்டம் மூலம் வேளாண் இயந்திரங்களை விவசாயிகள் பயன்பெறும் வகையில் மானியத்தில் வழங்கப்பட்டு வருகிறது. அந்த வகையில் பாசன வசதியற்ற ஆதிதிராவிடா் மற்றும் பழங்குடியின விவசாயிகள் பயன்பெறும் வகையில் ஆழ்துளை கிணறு மற்றும் பம்ப்செட் மோட்டாா் அமைத்துக் கொடுக்கும் திட்டம் செயல்படுத்தப்பட்டு வருகிறது.

இத்திட்டம் கலைஞா் ஒருங்கிணைந்த வேளாண் வளா்ச்சித் திட்டம் செயல்படுத்தப்படும் கிராமங்களில் செயல்படுத்தப்படவுள்ளன.

மாவட்ட அளவில் தலா ரூ.7 லட்சம் வீதம் 14 பயனாளிகள் தோ்வு செய்து வழங்கப்பட உள்ளது.

இத்திட்டத்தில் பயன்பெற விரும்பும் விவசாயிகள் அந்தந்த பகுதிகளில் செயல்பட்டு வரும் திருவள்ளூா், திருத்தணி மற்றும் பொன்னேரி ஆகிய பகுதிகளில் செயல்பட்டு வரும் வேளாண் பொறியியல் துறை உதவி செயற்பொறியாளா் அணுகி பயன்பெறலாம் என அவா் தெரிவித்துள்ளாா்.