Enable Javscript for better performance
உணவு சாரா வங்கி கடன் 5.9% வளா்ச்சி- Dinamani

சுடச்சுட

    உணவு சாரா வங்கி கடன் 5.9% வளா்ச்சி

    By DIN  |   Published on : 01st August 2021 05:44 AM  |   அ+அ அ-   |    |  

    crd070825

    வங்கிகள் உணவு சாரா பிரிவில் வழங்கிய கடன் சென்ற ஜூன் மாதத்தில் 5.9 சதவீத வளா்ச்சியை கண்டுள்ளது.

    இதுகுறித்து ரிசா்வ் வங்கி புள்ளிவிவரத்தில் கூறியுள்ளதாவது:

    நடப்பாண்டு ஜூன் மாதத்தில் உணவு சாரா பிரிவில் வங்கிகள் வழங்கிய கடன் 5.9 சதவீத வளா்ச்சியை பெற்றுள்ளது. கடந்தாண்டின் இதே மாதத்தில் இப்பிரிவிலான கடன் வளா்ச்சி 6 சதவீதம் என்ற அளவில் இருந்தது.

    உணவு சாரா பிரிவில் வேளாண் மற்றும் அதுதொடா்பான நடவடிக்கைகளுக்கு வழங்கப்பட்ட கடன் தொடா்ந்து சிறப்பான அளவில் மேம்பட்டு வருகிறது. அந்த வகையில், கடந்தாண்டு ஜூனில் 2.4 சதவீதமாக இருந்த இப்பிரிவின் கடன் வளா்ச்சி நடப்பாண்டு ஜூனில் 11.4 சதவீத வளா்ச்சியை தக்கவைத்துள்ளது.

    அதேசமயம், தொழில் துறைக்கு வங்கிகள் வழங்கிய கடன் மதிப்பீட்டு மாதத்தில் 0.3 சதவீதம் என்ற அளவில் பின்னடைவை சந்தித்துள்ளது. கடந்தாண்டின் ஜூன் மாதத்தில் இப்பிரிவின் கடன் வளா்ச்சி விகிதம் 2.2 சதவீதமாக காணப்பட்டது.

    அளவில் அடிப்படையில், நடுத்தர தொழில் துறைக்கு வழங்கப்பட்ட கடன் ஜூனில் 54.6 சதவீதம் என்ற வலுவான வளா்ச்சியை கண்டிருந்தது. ஆனால், கடந்தாண்டு இதே மாதத்தில் இப்பிரிவின் வங்கி கடன் 9 சதவீத பின்னடைவை சந்தித்திருந்தது.

    குறு, சிறு நிறுவனங்களுக்கு வழங்கப்பட்ட கடனும் 6.4 சதவீதமாக அதிகரித்துள்ளது. கடந்தாண்டின் இதே மாதத்தில் இந்த கடன் 2.9 சதவீத பின்னடைவை கண்டிருந்தது.

    பெரிய நிறுவனங்களுக்கு வழங்கப்பட்ட கடன் 3.4 சதவீதம் பின்னடைந்திருந்தது. இது, கடந்தாண்டில் 3.6 சதவீத வளா்ச்சியை தக்கவைத்திருந்தது.

    நடப்பாண்டு ஜூனில் சேவை துறைக்கு வழங்கப்பட்ட கடன் கடந்தாண்டுடன் ஒப்பிடுகையில் 10.7 சதவீதத்திலிருந்து 2.9 சதவீதமாக குறைந்துள்ளது. குறிப்பாக, வணிக ரீதியிலான ரியல் எஸ்டேட், என்பிஎஃப்சி, சுற்றுலா, ஹோட்டல், ரெஸ்டாரெண்ட் பிரிவிலான கடன் வளா்ச்சி மிகவும் குறைந்தது போனது.

    வங்கிகள் வழங்கிய தனிநபா் கடன் 11.9 சதவீத வளா்ச்சியை கண்டுள்ளது. கடந்தாண்டு ஜூனில் இந்த வளா்ச்சி 10.4 சதவீதமாக காணப்பட்டது. தங்கம், வாகனம் ஆகியவற்றுக்கான கடன்செயல்பாடு சிறப்பாக இருந்ததாக ரிசா்வ் வங்கி புள்ளிவிவரத்தில் தெரிவித்துள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp