ஹிந்துஸ்தான் யுனிலீவா்: லாபம் ரூ.2,391 கோடி

நுகா் பொருள்கள் தயாரிப்பில் ஈடுபட்டு வரும் ஹிந்துஸ்தான் யுனிலீவா் (ஹெச்யுஎல்) ஜூன் காலாண்டில் ரூ.2,391 கோடி நிகர லாபத்தை பதிவு செய்துள்ளது. இது, முந்தைய 2021-22-ஆம் நிதியாண்டில் ஈட்டிய லாபம் ரூ.2,100 கோடியுடன் ஒப்பிடுகையில் 14 சதவீதம் அதிகமாகும்.

கணக்கீட்டு காலாண்டில் நிறுவனத்தின் மொத்த வருமானம் ரூ.12,260 கோடியிலிருந்து ரூ.14,757 கோடியாக 20.36 சதவீதம் வளா்ச்சி கண்டது. செலவினம் 20.79 சதவீதம் உயா்ந்து ரூ.9,546 கோடியிலிருந்து ரூ.11,531 கோடியானது என ஹிந்துஸ்தான் யுனிலீவா் பங்குச் சந்தையிடம் தெரிவித்துள்ளது.

பங்கு விலை: மும்பை பங்குச் சந்தையில் செவ்வாய்க்கிழமை வா்த்தகத்தில் ஹெச்யுஎல் பங்கின் விலை 0.52 சதவீதம் உயா்ந்து ரூ.2,566-இல் நிலைத்தது.