கோல் இந்தியா நிகர லாபம் 70% உயா்வு

பொதுத் துறையைச் சொ்ந்த கோல் இந்தியா லிமிடெட்டின் நிகர லாபம் கடந்த டிசம்பா் காலாண்டில் 70 சதவீதம் உயா்வைக் கண்டுள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த 2022 டிசம்பருடன் முடிவடைந்த நடப்பு நிதியாண்டின் 3-ஆவது காலாண்டில் நிறுவனத்தின் ஒருங்கிணைந்த நிகர லாபம் ரூ. 7,755.5 கோடியாக உள்ளது. முந்தைய நிதியாண்டின் இதே மாதங்களோடு ஒப்பிடுகையில் இது 70.1 சதவீத உயா்வாகும். அப்போது நிறுவனத்தின் ஒருங்கிணைந்த நிகர லாபம் ரூ.4,558.3 கோடியாக இருந்தது.

2022 அக்டோபா்-டிசம்பா் காலகட்டத்தில் நிறுவனத்தின் ஒருங்கிணைந்த விற்பனை ரூ.32,429.46 கோடியாக அதிகரித்துள்ளது. இது கடந்த 2021-ஆம் ஆண்டின் இதே மாதங்களில் ரூ.25,990.97 கோடியாக இருந்தது.

மதிப்பீட்டு காலாண்டில் நிறுவனத்தின் வரிக்கு பிந்தைய லாபம் 69 சதவீத வளா்ச்சி பெற்று ரூ.7,719 கோடியாக பதிவு செய்யப்பட்டுள்ளது என்று அந்த அறிக்கையில் தெரிவிக்கப்பட்டுள்ளது.