லாரிகள், டிராக்டா்கள், காா்கள், கட்டுமான இயந்திரங்களுக்கான ‘வீல்’களைத் தயாரிக்கும் முன்னணி நிறுவனங்களில் ஒன்றான வீல்ஸ் இந்தியா லிமிடெட்டின் வருவாய், கடந்த நிதியாண்டில் ரூ.4,332.1 கோடியாக அதிகரித்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
மாா்ச்சுடன் நிறைவடைந்த கடந்த நிதியாண்டில் நிறுவனத்தின் நிகர லாபம் ரூ.65.2 கோடியாக உள்ளது. முந்தைய 2021-22-ஆம் நிதியாண்டில் நிறுவனம் ஈட்டிய நிகர லாபமான ரூ.79.8 கோடியோடு ஒப்பிடுகையில் இது குறைவாகும்.
எனினும், மதிப்பீட்டு நிதியாண்டில் நிறுவனத்தின் வருவாய் 18% அதிகரித்து ரூ.4,332.1 கோடியாக உள்ளது. முந்தைய 2021-22-ஆம் நிதியாண்டில் அது ரூ.3,686.7 கோடியாக இருந்தது.
மாா்ச் மாதத்துடன் நிறைவடைந்த 2022-23-ஆம் நிதியாண்டின் 4-ஆவது காலாண்டில் நிறுவனத்தின் நிகர லாபம் ரூ.24.8 கோடியாக இருந்தது. அது, முந்தைய நிதியாண்டின் இதே காலாண்டில் ரூ.27.9 கோடியாக இருந்தது என்று அந்த செய்திக்குறிப்பில் தெரிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.