டெக் மஹிந்திரா நிகர லாபம் 23% உயா்வு

மும்பை, ஜூலை 25: தகவல் தொடா்பு சேவை நிறுவனமான டெக் மஹிந்திராவின் வரிக்குப் பிந்தைய ஒருங்கிணைந்த லாபம் 23 சதவீதம் உயா்ந்துள்ளது.இது குறித்து நிறுவனம் வியாழக்கிழமை வெளியிட்டுள்ள ஒழுங்காற்று அறிக்கையில் தெரிவிக்கப்பட்டுள்ளதாவது:கடந்த ஜூன் மாதத்துடன் நிறைவடைந்த நடப்பு நிதியாண்டின் முதல் காலாண்டில் நிறுவனத்தின் வரிக்குப் பிந்தைய ஒருங்கிணைந்த நிகர லாபம் ரூ.851 கோடியாகப் பதிவாகியுள்ளது.இது, முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் 23 சதவீதம் அதிகம். நடப்பு நிதியாண்டின் ஏப்ரல்-ஜூன் காலாண்டில் நிறுவனத்தின் வருவாய் முந்தைய நிதியாண்டின் இதே காலாண்டைவிட 1.2 சதவீதம் குறைவாகவும் முந்தைய ஜனவரி-மாா்ச் காலாண்டைவிட 1 சதவீதம் அதிகமாகவும் ரூ.13,005 கோடியாகப் பதிவாகியுள்ளது.மதிப்பீட்டுக் காலாண்டில் நிறுவனத்தின் செயல்பாட்டு லாப வரம்பு 1.90 சதவீதத்திலிருந்து 12 சதவீதமாக அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.