கடன் வட்டி விகிதங்களைக் குறைத்த இந்தியன் வங்கி

ரெப்போ வட்டி விகிதத்தை மத்திய ரிசா்வ் வங்கி குறைத்ததைத் தொடா்ந்து அதை அடிப்படையாகக் கொண்ட கடன்களுக்கான வட்டி விகிதத்தை பொதுத் துறை வங்கியான இந்தியன் வங்கி குறைத்துள்ளது.

இதையடுத்து, வீட்டுக் கடன்கள் மற்றும் வாகனக் கடன்களுக்கான வட்டி குறைகிறது.

இது குறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

ரெப்போ வட்டி விகித்தை ரிசா்வ் வங்கி 25 அடிப்படைப் புள்ளிகள் (0.25 சதவீதம்) குறைத்துள்ளது. அந்த அனுகூலத்தை வாடிக்கையாளா்களுக்கு முழுமையாக அளிக்கும் வகையில், ரெப்போ விகிதத்தை அடிப்படையாகக் கொண்ட கடன்களுக்கு வசூலிக்கப்படும் வரும் வட்டி விகிதத்தில் 0.25 சதவீதம் குறைக்கப்படுகிறது.

அதன்படி, தற்போது 8.15 சதவீதமாக இருக்கும் வீட்டுக் கடன்களுக்கான வட்டி விகிதம் இனி 7.90 சதவீதமாகவும், 8.50 சதவீதமாக இருக்கும் வாகனக் கடன்களுக்கான வட்டி விகிதம் இனி 8.25 சதவீதமாகவும் இருக்கும்.

இந்த புதிய வட்டி விகிதம் வியாழக்கிழமை (ஏப். 24) அமலுக்கு வந்தது என்று அந்த செய்திக்குறிப்பில் தெரிவிக்கப்பட்டுள்ளது.