ஏற்றுமதியில் காா்களை முந்திய எஸ்யுவி-க்கள்

ஏற்றுமதியில் காா்களை முந்திய எஸ்யுவி-க்கள்...

Updated On :27 டிசம்பர் 2025, 3:10 am IST

இந்தியாவின் வாகன ஏற்றுமதியில் ஸ்போா்ட்ஸ் யுட்டிலிட்டி வகை வாகனங்கள் (எஸ்யுவி) முதல்முறையாக பயணிகள் காா்களை முந்தி முதலிடம் பிடித்துள்ளன.

இது குறித்து இந்திய வாகன உற்பத்தியாளா்கள் சங்கம் (சியாம்) வெளியிட்டுள்ள அறிக்கையில் தெரிவிக்கப்பட்டுள்ளதாவது:

2025 நிதியாண்டின் ஏப்ரல்-நவம்பா் காலகட்டத்தில் வாகன ஏற்றுமதியில் எஸ்யுவி வகை வாகனங்கள் முதலிடம் பிடித்துள்ளன. அந்த காலகட்டத்தில் பயணிகள் வாகன ஏற்றுமதியில் எஸ்யுவி-க்களின் பங்களிப்பு 52 சதவீதமாக உள்ளது. இதுவரை ஏற்றுமதியில் முன்னணியில் இருந்த பயணிகள் காா்களின் பங்களிப்பு 43 சதவீதமாக உள்ளது. ஏற்றுமதியில் பயணிகள் காா்களை எஸ்யுவிக்கள் முந்தியது இதுவே முதல்முறை.

மதிப்பீட்டு காலகட்டத்தில் மொத்த பயணிகள் வாகன ஏற்றுமதி 3,13,217-ஆக உள்ளது. இதில் எஸ்யுவி-க்களின் எண்ணிக்கை சுமாா்1.63 லட்சமாகவும் பயணிகள் காா்களின் எண்ணிக்கை சுமாா் 1.35 லட்சமாகவும் உள்ளது என்று அந்த அறிக்கையில் குறிப்பிடப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.