ஜென் 3 மாடலை அறிமுகப்படுத்தும் ஓலா நிறுவனம்!

புதுதில்லி: எலெக்ட்ரிக் டூவீலர் விற்பனையில் இந்தியாவில் முன்னணி நிறுவனமாக இருந்து வரும் ஓலா நிறுவத்தின் தயாரிப்புகளை மக்கள் விரும்பி வாங்கி வருகின்றனர்.

இந்நிலையில், ஓலா நிறுவனரான பவிஷ் அகர்வால் இன்று ஜென் 3 இயங்குதளத்தை அடிப்படையாகக் கொண்ட மின்சார ஸ்கூட்டர் இந்த வார இறுதியில் வெளியிடப்படும் என்று தனது எக்ஸ் பக்கத்தில் அறிவித்தார்.

ஓலா எலெக்ட்ரிக், ஜென் 3 ஸ்கூட்டர்ஸ் வெளியிடும் தருவாயில் எங்களின், 'அடுத்த நிலை' ஒலிக்கிறது! அதிக செயல்திறன், அதிக அம்சங்கள், சிறந்த வடிவமைப்பு ஆகியவற்றுடன் ஒவ்வொரு வகையிலும் ஜென் 2 தயாரிப்புகளை நாங்கள் கணிசமாக விஞ்சியுள்ளோம். தொழில்துறையை மீண்டும் மாற்றுவது ஒரு ஆச்சரியம் என்று அவர் தனது எக்ஸ் தளத்தில் பதிவு செய்துள்ளார்.

பெங்களூருவை தளமாகக் கொண்ட ஓலா எலக்ட்ரிக் ஜனவரி 31 ஆம் தேதி தனது புதிய தயாரிப்பான ஜென் 3 மாடலை வெளியிடும். புதிய தளம் மூலம் ஜென் 3 ஸ்கூட்டர்ஸ் சுமார் 20 சதவிகித சேமிப்பைக் தரும் என்று ஓலா எலக்ட்ரிக் எதிர்பார்க்கிறது.

இதையும் படிக்க: 10 கிராமுக்கு ரூ.83,750 என்ற புதிய உச்சத்தை தொட்ட தங்கம்!