இண்டஸ்இண்ட் வருவாய் ரூ.14,420.80 கோடியாகக் குறைவு

தனியாா் துறையைச் சோ்ந்த இண்டஸ்இண்ட் வங்கியின் மொத்த வருவாய் கடந்த ஏப்ரல்-ஜூன் காலாண்டில் ரூ.14,420.80 கோடியாகக் குறைந்துள்ளது.

இது குறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:கடந்த ஏப்ரல்-ஜூன் மாதத்துடன் நிறைவடைந்த 2025-26-ஆம் நிதியாண்டின் முதல் காலாண்டில் வங்கியின் ஒருங்கிணைந்த நிகர லாபம் ரூ.604 கோடியாக உள்ளது.

இது, முந்தைய 2024-25-ஆம் நிதியாண்டின் இதே காலாண்டில் ரூ.2,171 கோடியாக இருந்தது. அதனுடன் ஒப்பிடுகையில் வங்கியின் ஒருங்கிணைந்த நிகர லாபம் தற்போது 72 சதவீதம் சரிந்துள்ளது.மதிப்பீட்டுக் காலாண்டில் வங்கியின் மொத்த வருவாய் ரூ.14,988.38 கோடியிலிருந்து ரூ.14,420.80 கோடியாகக் குறைந்துள்ளது.

கடந்த ஏப்ரல்-ஜூன் காலாண்டில் வங்கியின் வட்டி வருவாய் ரூ.5,408 கோடியிலிருந்து ரூ.4,640 கோடியாகக் குறைந்துள்ளது என்று அந்த அறிக்கையில் குறிப்பிடப்பட்டுள்ளது.