பெரிய திரை... நத்திங் 3ஏ லைட் ஸ்மார்ட்போன் நவ. 27-ல் அறிமுகம்!

நத்திங் 3 ஏ லைட் ஸ்மார்ட்போன் இந்தியாவில் அறிமுகமாகும் தேதி குறித்து அறிவிக்கப்பட்டுள்ளது.

கடந்த அக்டோபர் மாதம் சர்வதேச அளவில் நத்திங் 3 ஏ லைட் ஸ்மார்ட்போன் அறிமுகமானதைத் தொடர்ந்து, இந்தியாவில் நவ. 27ஆம் தேதி நத்திங் 3 ஏ லைட் வெளியாகவுள்ளது.

சர்வதேச அளவிலான அறிமுகத்தின்போது இருந்த அம்சங்களில் எந்தவித மாற்றங்களுமின்றி, இந்திய சந்தையில் அறிமுகம் செய்யப்படும் எனத் தெரிவிக்கப்பட்டுள்ளது.

நவம்பர் மாதத்தில் பல்வேறு நிறுவனங்களின் ஃபிளாக்‌ஷிப் ஸ்மார்ட்போன்கள் அறிமுகம் செய்யப்பட்டு வருகின்றன. எனினும், நத்திங் 3 ஏ லைட் ஃபிளாக்‌ஷிப் பிரிவில் இல்லை என்றாலும், வெகுஜனங்களைக் கவரும் வகையிலான அம்சங்கள் இடம்பெறும் என எதிர்பார்க்கப்படுகிறது.

நத்திங் 3 ஏ லைட் சிறப்பம்சங்கள்

• மீடியாடெக்டைமன்சிட்டி 7300 புராசஸர் கொண்டது.

• 6.77 அங்குல அமோலிட் திரையுடன் ஸ்மார்ட்போன் அறிமுகமாகவுள்ளது. இதன்மூலம் மற்ற ஸ்மார்ட்போன்களை விட பெரிய திரையுடையதாக இருக்கும்.

• திரை பிரகாசமாக இருக்கும் வகையில் 3000 nits திறன் கொடுக்கப்பட்டுள்ளது.

• திரை சுமூகமாக இயங்கும் வகையில் 1000 Hz திறன் கொண்டது.

• நினைவகம் 256GB இருக்கும். கூடுதல் நினைவக அட்டை (மெமரி கார்டு) மூலம் 2TB வரை நினைவகத்தை விரிவாக்கம் செய்துகொள்ளலாம்.

• 50MP முதன்மை கேமரா, 8MP அட்ல்ரா வைட் கேமரா உடையது.

• 5000mAh பேட்டரி திறன் கொண்டது. வேகமாக சார்ஜ் ஆகும் வகையில் 33W திறன் கொடுக்கப்பட்டுள்ளது.

இதையும் படிக்க | விரைவில் வாட்ஸ்ஆப் கால்களை ஷெட்யூல் செய்யும் வசதி!