இந்தியாவின் ஜிடிபி வளர்ச்சி 6.6% ஆக உயர்த்தி கணிப்பு: ஐஎம்எஃப்

அமெரிக்காவின் வரி விதிப்பு இந்திய பொருளாதாரத்தில் பெரியளவில் தாக்கத்தை ஏற்படுத்தப் போவதில்லை என்பதை சர்வதேச நாணய நிதியம் (ஐஎம்எஃப்) கணிப்பின் மூலம் தெரிய வந்துள்ளது.

நடப்பு நிதியாண்டில் இந்தியாவின் ஜிடிபி வளர்ச்சியை 6.6% ஆக உயர்த்தி சர்வதேச நாணய நிதியம் (ஐஎம்எஃப்) கணித்துள்ளது.

நடப்பு நிதியாண்டில் இந்தியாவின் ஜிடிபி வளர்ச்சி 6.4 சதவீதமாக கணிக்கப்பட்டிருந்த நிலையில் இப்போது 6.6% ஆக உயர்த்தி சர்வதேச நாணய நிதியம் (ஐஎம்எஃப்) கணித்துள்ளது. அதேவேளையில், 2026- 27 நிதியாண்டுக்கான வளர்ச்சி 20 அடிப்படைப் புள்ளிகள் குறைக்கப்பட்டு 6.2 சதவீதமாகவும் கணித்துள்ளது.

முன்னதாக, அக்டோபர் தொடக்கத்தில், நடப்பு நிதியாண்டில் இந்தியாவின் ஜிடிபி வளர்ச்சியை ஏற்கெனவே கணிக்கப்பட்டிருந்த 6.3 சதவீதத்திலிருந்து 6.5 சதவீதமாக உயர்த்தி உலக வங்கி கணித்திருப்பதும் கவனிக்கத்தக்கது.