சுகாதாரத்தை பேண வேண்டும்

திருவல்லிக்கேணி பாரதி சாலை, பைகிராப்ட்ஸ் மற்றும் பெல்ஸ் சாலைப்பகுதிகள் அண்ணா சதுக்கத்தையும், சேப்பாக்கம் பகுதியையும் இணைக்கும் மிக முக்கிய வழிகளாக உள்ளன. ஏராளமான புத்தகக்கடைகளும், சேப்பாக்கம் ஸ்டேடியமும் இங்குள்ளன.

இந்த வழியாகச் செல்லும் சாலையின் இருபுறமும் ஏராளமான குப்பைகளும் தேங்கியுள்ளதால் சுகாதாரச் சீர்கேடு அபாயம் உள்ளது. நடைபாதை ஆக்கிரமிப்புகளாலும், பழுதடைந்த வாகனங்கள் நிறுத்தப்பட்டிருப்பதாலும் போக்குவரத்துக்கு இடைஞ்சலாக உள்ளது.

எனவே மக்கள் நடமாட்டம் அதிகமுள்ள இந்தப் பகுதி நோய்த்தொற்றை பரப்பும்நிலையில் இருந்து மாற்றி தூய்மையாக பராமரிக்க சம்பந்தப்பட்ட மாநகராட்சி அதிகாரிகள் நடவடிக்கை எடுக்க வேண்டும்.