பகுதி - 30

மிக அரிய தத்துவப் பொருட்களை உள்ளடக்கியுள்ள இந்தப் பாடலின் சொற்பொருளையும், ஓரளவுக்குத் தத்துவப் பொருளையும் காண்போம்.

Updated On :14 அக்டோபர் 2015, 6:48 am

மிக அரிய தத்துவப் பொருட்களை உள்ளடக்கியுள்ள இந்தப் பாடலின் சொற்பொருளையும், ஓரளவுக்குத் தத்துவப் பொருளையும் காண்போம்.

பதச் சேதம்	பொருள் சாரம்
அமல கமல உரு சங்கம் தொனித்த	மாசற்றதாகவும், (ஆறு ஆதாரங்களுக்கு அப்பால் உள்ள ஸஹஸ்ராரம் எனப்படும் 1008 இதழ் கொண்ட) தாமரை(யான குருகமல) உருவத்தில் (பிராணவாயுவைச் செலுத்துவதால் உண்டாகும்) சங்கின் ஒலி முழங்க,
மறை அரிய பரம வெளி எங்கும் பொலித்த செயல் அளவும் அசலம் அது கண்டு	அரியதான ஞான ஆகாசம் முழுவதும் பொலிவு பெற, (அப்படிப் பொலிவடைவதை) அளவிட்டு அறியும் (நிலைபெற்ற தன்மையை) ரகசியமாக (மறை) கண்டு (அறிந்து)
அங்கு ஒருத்தரு(ம்) உளவு அறியாதது	அங்கே யாராலும் உளவு அறிய முடியாமல் (ஒருவராலும் உண்மைத் தன்மையை அறிய முடியாமல்)
அகர முதல் உரு கொள் ஐம்பந்தொரு அக்ஷரமொடு	(வடமொழியில்) அகரம் தொடங்கி க்ஷகரம் இறுதியாக உள்ள ஐம்பத்தோரு எழுத்துகளுக்கும்
அகில புவன நதி அண்டங்களுக்கு முதல்	எல்லா உலகங்களுக்கும் நதிகளுக்கும் அண்டங்களுக்கும் முதன்மை பெற்றதாய்
அருண கிரண ஒளி எங்கும் எங்கும் உற்று	(அருண=செந்நிற) செந்நிற ஒளி எங்கெங்கும் பரவிப் பொருந்தியதாய்;
முதல் நடுவான கமல துரியம் அதில் இந்தும் கதிர் பரவு கனக நிறமுடைய பண்பு அம் படி(க)க் கதவம் ககனம்	முதலும், நடுவுமான (யோகியர், தன்மயமாய் நிற்கும் உயரிய நிலையான, பிரமரந்திரம் எனப்படும்) துரிய நிலையான தாமரையில், சந்திரனின் ஒளி பரவ, பொன்மயமான நிறமுடையதும் ஸ்படிகத்தால் ஆன (தூய) வாயிலைக் கொண்ட ஆகாய வெளியில்
சுழி முனையில் அஞ்சும் களித்த அமுத சிவயோகம்	சுழிமுனை நாடியின் உச்சியில், ஐம்புலன்களும் இன்பம் அடையக்கூடியதாக விளங்கும் அமிர்தம் போன்ற சிவயோக நிலையில்
கருணை உடன் அறிவு விதம் கொண்டிட	உன்னுடைய கருணையால் அறியும்படியான வழியை நான் அடைய
கவுரி குமர குமர குரு என்று என்று உரைப்ப முது கனிவு வர	கௌரீ குமர = பார்வதி மைந்தனே, குமரகுருவே என்றெல்லாம் சொல்லிச் சொல்லி, முதிர்ந்து கனிந்த (பக்தி) நிலை ஏற்பட,
இளமை தந்து உன் பதத்தில் எனை அருள்வாயே	(பலம் நிறைந்த) இளமையைக் கொடுத்து, உன் திருவடியில் என்னைச் சேர்த்துக் கொள்ளவேண்டும்.
	இதன் திரண்ட பொருளைக் கீழே காணலாம்.
திமிலை பல முருடு திந்திந் திமித்.............................................. திகுதீதோ செகண செகண செக செம் செம் செகக்கண என	(திமிலை = ஓசை) முருடு எனப்படும் வாத்தியங்கள் பல முழங்கும் திந்திம்.. செககண, செம்செம் எனும்படியான பலவகை நாதங்கள்,
அகில முரகன் முடி அண்டம் பிளக்க வெகு திமிர்த(ம்) குல விருது சங்கம் தொனித்து அசுரர் களம் மீதே	(அகிலம், உரகன் = அகிலத்தைத் தாங்குவதான பாம்பு) ஆதிசேஷனுடைய ஆயிரம் முடிகளும், அண்டங்களும் பிளக்கும்படியாக எழ, (திமிர்தம் = பேரொலி) எழும்படி, பல சிறந்த அடையாளச் சின்னங்களை சங்கொலிகள் எழுப்பவும், அசுரர்களோடு போரிடும் களத்தில்,
அமரர் குழுமி மலர் கொண்டு அங்கு இறைத்து அருள	தேவர்கள் கூட்டமாகக் கூடி நின்று மலர்மாரி பொழிய,
அரிய குருகு கொடி எங்கும் தழைத்து அருள	அரிய சேவற் கொடியானது எல்லா இடங்களிலும் பரந்து வீச,
அரியொடு அயன் முனிவர் அண்டம் பிழைத்து அருள விடும் வேலா	திருமால், பிரமன், முனிவர்கள் அண்டங்கள் எல்லாம் பிழைக்கும்படியாக வேலை வீசுபவனே
அரியின் மகள் தனமொடு எங்கும் புதைக்க முக அழகு புயமொடு அணை இன்பம் களித்து மகிழ்	திருமாலின் மகளான (வள்ளியின்) மார்புகள் புதையுமாறு தழுவி, திருமுகத்தின் அழகுடன், திருத்தோள்களோடு அவளை அணைத்துக் களிப்புற்று மகிழ்பவனே!
அரிய மயில் அயில் கொடு இந்தம்பலத்தில் மகிழ் பெருமாளே.	அருமை வாய்ந்ததான மயிலையும் கூர்மையான வேலையும் கொண்டு, இந்தம்பலம் என்னும் தலத்தில் மகிழ்ந்திருக்கின்ற பெருமாளே.