ஈரான் - அமெரிக்கா இடையே 14 மணிநேரம் நீடித்த பேச்சுவார்த்தை நிறைவு! மு.க. ஸ்டாலின் ஐந்தாம் கட்ட பிரசாரம் திருவள்ளூரில் நாளை தொடக்கம்சட்டக் கட்டமைப்புகள் முழுவதிலும் சீா்திருத்தம்: உச்சநீதிமன்ற தலைமை நீதிபதி வலியுறுத்தல் இந்தியப் பங்குச் சந்தை 5 ஆண்டுகளில் இல்லாத ஏற்றம்!எனது வேட்பு மனுவை செல்லாததாக்க பாஜக முயன்றது: மம்தா
/

பகுதி - 218

அருணகிரியார் முருகனை தரிசிதுப் பாடிய பற்பல தலங்களிலே ஒன்று ஊதி மலை.  கோயமுத்தூரில் தாராபுரத்திலிருந்து

Updated On :19 ஏப்ரல் 2016, 6:50 am


அருணகிரியார் முருகனை தரிசிதுப் பாடிய பற்பல தலங்களிலே ஒன்று ஊதி மலை.  கோயமுத்தூரில் தாராபுரத்திலிருந்து காங்கேயத்துக்குப் போகும் வழியிலே உள்ளது.  இங்கேதான் சிவபெருமானைக் கொங்கண சித்தர் கண்டு வணங்கினாராம்.  கொங்கண சித்தர் ‘ஊதி ஊதி’ ரசவாதத்தால் பொன்னைச் செய்ததால் இதன் பெயர் ஊதி மலையென்று இதற்குப் பெயர்க்காரணம் சொல்கிறார்கள்.  இருந்தாலும் இதன் பெயர்க் காரணம் இன்னதென்று நிச்சயமாகத் தெரியவில்லை.  ‘அவனருளாலே அவன்தாள் வணங்கி’ என்றதைப் போல இந்தப் பாடல், முருகனை வணங்குவதற்கு இறைவன் திருவருளைக் கேட்கிறது.

 அதுவும் ‘ஆதி அருணேசன் என்று ஆளும் உனையே வணங்க’ அருள் தா என்று கேட்கிறார்.  அதைத் தொடர்ந்து, சிவனார் காதிலே செய்தருளி உபதேசத்தை அடியேனுக்கும் செய்யவேண்டும் என்ற ஒரு கோரிக்கையையும் வைக்கிறார். பாடலைப் பார்ப்போம்.

தானதன தான தந்த தானதன தான தந்த
             தானதன தான தந்த                    தனதான


ஆதிமக மாயி யம்பை தேவிசிவ னார்ம கிழ்ந்த

         ஆவுடைய மாது தந்த                குமரேசா

      ஆதரவ தாய்வ ருந்தி யாதியரு ணேச ரென்று

         ஆளுமுனை யேவ ணங்க            அருள்வாயே

பூதமது வான வைந்து பேதமிட வேய லைந்து

         பூரணசி வாக மங்க                  ளறியாதே

      பூணுமுலை மாதர் தங்கள் ஆசைவகையே நினைந்து

         போகமுற வேவி ரும்பு              மடியேனை

நீதயவ தாயி ரங்கி நேசவரு ளேபுரிந்து

         நீதிநெறி யேவி ளங்க               வுபதேச

      நேர்மைசிவ னார் திகழ்ந்த காதிலுரை வேத மந்த்ர

         நீலமயி லேறி வந்த                வடிவேலா

ஓதுமறை யாக மஞ்சொல் யோகமது வேபு ரிந்து

         ஊழியுணர் வார்கள் தங்கள்          வினைதீர

      ஊனுமுயி ராய் வளர்ந்து ஓசையுடன் வாழ்வு தந்த

        ஊதிமலை மீது கந்த                 பெருமாளே.

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/259803893&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="justify"> </p>

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.