பகுதி - 149

வலிய பகைவர்களுடைய தாடையில் குத்தி, அம்புசெலுத்தி அவர்களுடைய பற்களை உதிர்ப்பவனே!

Updated On :11 பிப்ரவரி 2016, 10:28 am

பதச் சேதம்	சொற் பொருள்
எற்றா வற்றா மட்டாக தீயில் காய் செம் கண் பிறை வாள்	எற்றா: எற்றி, உதைத்து மோதி; வற்றா, மட்டாகத் தீயில் காய்: தீயும் குறைவுபடும்படி வற்றாத தழலாகத் தகிக்கும்;
எயிற்றார் கை பாசத்தே கட்டு ஆடி கோபித்து கொடு போ முன்	எயிற்றார்: பல்லை உடையவர்; கைப்பாசத்தே: கையிலுள்ள பாசக் கயிற்றால்; கொடு போமுன்: கொண்டு போகும் முன்;
உற்றார் பெற்றார் சுற்றா நிற்பார் ஒட்டோம் விட்டு கழியீர் என்று	சுற்றாநிற்பர்: சுற்றிலும் நிற்பவர்கள்; ஒட்டோம்: பிரிவைத் தாங்க மாட்டோம்; விட்டுக் கழியீர்: எங்களைப் பிரிந்து போய்விடாதீர்கள்;
உற்று ஓதுற்றே பற்றா நிற்பார் அ காலத்துக்கு உறவு ஆர் தான்	உற்று: நெருங்கி; ஓது உற்றே: சொல்லியே; பற்றா நிற்பர்: பற்றியபடி நிற்பர்; அக்காலத்துக்கு: யமன் கொண்டுபோகும் காலத்துக்கு;
பற்றார் மல் தாடைக்கே குத்தா பல் தான் அப்பில் களைவோனே	பற்றார்: பகைவர்கள்; மல்: வலிமையுடைய; குத்தா: குத்தி; அப்பில்: அம்பில்—வலித்தல் விகாரம்; களைவோனே: நீக்குபவனே, உதிர்ப்பவனே;
பச்சு ஏனல் கானத்தே நிற்பாள் பொன் பாதத்தில் பணிவோனே	பச்சு: பசிய; ஏனல் கானத்தே: தினைப்புனத்தில்; நிற்பாள்: வள்ளியின்;
முற்றா வற்றா மெய் போதத்தே உற்றார் சித்தத்து உறைவோனே	முற்றா: முதிர்ந்து; வற்றா: வற்றாத; மெய்போதத்தே உற்றார்: மெய்ஞான நிலையில் நின்றார்;
முத்தா முத்தீ அத்தா சுத்தா முத்தா முத்திப் பெருமாளே.	முத்தா: முக்தனே; முத்தீ அத்தா: முத்தழல் நாயகனே; சுத்தா: பரிசுத்தனே; முத்தா முத்தி: மேலான முக்தியை அளிக்கும்;