ஈரான் - அமெரிக்கா இடையே 14 மணிநேரம் நீடித்த பேச்சுவார்த்தை நிறைவு! மு.க. ஸ்டாலின் ஐந்தாம் கட்ட பிரசாரம் திருவள்ளூரில் நாளை தொடக்கம்சட்டக் கட்டமைப்புகள் முழுவதிலும் சீா்திருத்தம்: உச்சநீதிமன்ற தலைமை நீதிபதி வலியுறுத்தல் இந்தியப் பங்குச் சந்தை 5 ஆண்டுகளில் இல்லாத ஏற்றம்!எனது வேட்பு மனுவை செல்லாததாக்க பாஜக முயன்றது: மம்தா
/

பகுதி - 762

தியானிப்பதை அருளவேண்டும்

News image
Updated On :20 பிப்ரவரி 2018, 10:02 am

‘உன்னை எப்போதும் தியானிப்பதை அருளவேண்டும்’ என்று கோரும் இப்பாடல் திருவாலங்காட்டுக்கானது.  காரைக்காலம்மையாரின் பாடல் பெற்ற இத்தலம் சென்னைக்கு மேற்கே சுமார் 60 கிலோமீட்டர் தொலைவிலுள்ளது.

அடிக்கு ஒற்றொழித்து 34 எழுத்துகளைக் கொண்ட பாடல்.  ஒன்று, நான்கு, ஏழு ஆகிய சீர்களில் மூன்று குற்றெழுத்துகளும் ஒரு நெடிலும் ஒரு (கணக்கில் சேராத) மெல்லொற்றும்; இரண்டு, ஐந்து, எட்டு ஆகிய சீர்களிலும் மூன்று, ஆறு, ஒன்பது ஆகிய சீர்களிலும் ஒரு நெடிலும் இரண்டு குறிலுமாக மூன்றெழுத்துகளும் அமைந்துள்ளன.


தனதானந் தானன தானன
                தனதானந் தானன தானன
                தனதானந் தானன தானன தனதான

கனவாலங் கூர்விழி மாதர்கள்
               மனசாலஞ் சால்பழி காரிகள்
               கனபோகம் போருக மாமிணை முலைமீதே

கசிவாருங் கீறுகி ளாலுறு
               வசைகாணுங் காளிம வீணிகள்
               களிகூறும் பேயமு தூணிடு கசுமாலர்

மனவேலங் கீலக லாவிகள்
               மயமாயங் கீதவி நோதிகள்
               மருளாருங் காதலர் மேல்விழு மகளீர்வில்

மதிமாடம் வானிகழ் வார்மிசை
              மகிழ்கூரும் பாழ்மன மாமுன
              மலர்பேணுந் தாளுன வேயரு ளருளாயோ

தனதானந் தானன தானன
             எனவேதங் கூறுசொல் மீறளி
             ததைசேர்தண் பூமண மாலிகை யணிமார்பா

தகரேறங் காரச மேவிய
            குகவீரம் பாகும ராமிகு
            தகைசாலன் பாரடி யார்மகிழ் பெருவாழ்வே

தினமாமன் பாபுன மேவிய
           தனிமானின் தோளுட னாடிய
           தினைமாவின் பாவுயர் தேவர்கள் தலைவாமா

திகழ்வேடங் காளியொ டாடிய
           ஜெகதீசங் கேசந டேசுரர்
           திருவாலங் காடினில் வீறிய பெருமாளே.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.