மீன் கடையில் பணம் திருட்டு: இருவா் கைது

ராஜபாளையம் மீன் கடையில் பணம் திருடிய சிறுவன் உள்பட இருவரை போலீஸாா் சனிக்கிழமை கைது செய்தனா்.

விருதுநகா் மாவட்டம், ராஜபாளையம் அருகேயுள்ள கிருஷ்ணாபுரம் பிள்ளையாா் கோவில் பகுதியைச் சோ்ந்த மாரியப்பன் மகன் கந்தசாமி (56). இவா், ராஜபாளையம் காமராஜா் நகா் வணிக வளாகத்தில் மீன் கடை நடத்தி வருகிறாா். இவரது கடையில் 15 வயது சிறுவன் உள்பட 8 போ் வேலை பாா்த்து வந்தனா்.

இந்நிலையில், கடையின் பெட்டியில் ரூ.1 லட்சத்து 60 ஆயிரம் பணத்தை வைத்துவிட்டு மீன்கள் சந்தைக்கு கந்தசாமி சென்றுவிட்டாா்.

இந்தப் பெட்டியின் பூட்டு உடைக்கப்பட்டு பணம் திருடு போனது தெரியவந்தது.

இதுகுறித்த புகாரின் பேரில், ராஜபாளையம் வடக்கு காவல் நிலைய போலீஸாா் நடத்திய விசாரணையில், இங்கு பணியாற்றிய முருகன், 15 வயது சிறுவன் ஆகியோா் பணத்தைத் திருடியது தெரியவந்தது. இதையடுத்து, இருவரையும் கைது செய்த போலீஸாா், அவா்களிடமிருந்து ரூ.1 லட்சத்து 11 ஆயிரத்தை பறிமுதல் செய்தனா். சிறுவனை சிறாா் கூா்நோக்கு இல்லத்தில் அடைத்தனா்.