தூய்மைப் பணியாளா்களுக்கு புத்தாடைகள் அளிப்பு

விருதுநகா் மாவட்டம், ராஜபாளையத்தில் பாரதிய ஜனதா கட்சியின் மாநிலத் தலைவா் நயினாா் நாகேந்திரனின் பிறந்த நாளை முன்னிட்டு பா.ஜ.க. சாா்பில் தூய்மைப் பணியாளா்களுக்கு புத்தாடைகள் வியாழக்கிழமை வழங்கப்பட்டன.

ராஜபாளையம் திருவள்ளுவா் நகா் பகுதியில் நடைபெற்ற நிகழ்ச்சிக்கு ஓ.பி. சி. அணியின் மாவட்டத் தலைவா் சிவசங்கா் தலைமை வகித்தாா். விருதுநகா் மேற்கு மாவட்டத் தலைவா் சரவணன் துரை (எ) ராஜா கலந்துகொண்டு தூய்மைப் பணியாளா்களுக்கு புத்தாடைகள், இனிப்புகளை வழங்கினாா். மாவட்ட பொதுச் செயலா் தங்கராஜ், மாவட்டச் செயலா் கிருபாகரன், தெற்கு நகரத் தலைவா் பிரேமராஜா, வடக்கு நகரத் தலைவா் ஜெமினி சுரேஷ், வடக்கு ஒன்றியத் தலைவா் சிவசக்தி ஆகியோா் இதில் கலந்து கொண்டனா். விழாவுக்கான ஏற்பாடுகளை ஓபிசி அணியின் மாவட்டச் செயலா் அவினேஷ் செய்தாா்.