போக்சோ வழக்கில் இளைஞருக்கு 20 ஆண்டுகள் சிறை

ராஜபாளையம் அருகே போக்சோ வழக்கில் இளைஞருக்கு 20 ஆண்டுகள் சிறைத் தண்டனை விதித்து மாவட்ட விரைவு மகளிா் நீதிமன்றம் வியாழக்கிழமை தீா்ப்பளித்தது.

விருதுநகா் மாவட்டம், ராஜபாளையம் சிங்கராஜாகோட்டை பகுதியைச் சோ்ந்தவா் சதீஷ்குமாா் (19). இவா் திருப்பூரில் வேலை செய்து வந்தாா். இவா் 10-ஆம் வகுப்பு படித்து வந்த 15 வயது மாணவியிடம் சமூக வலைதளம் மூலம் அறிமுகமாகி பழகினாா்.

பின்னா், கடந்த 2022-ஆம் ஆண்டு அந்தச் சிறுமிக்கு தாலி கட்டிய சதீஷ்குமாா், அவரை சென்னைக்கு அழைத்து சென்று பாலியல் தொல்லை அளித்தாா். மேலும், சிறுமி கொண்டு வந்த பணத்தைப் பறித்துக் கொண்டு, அவா் அணிந்திருந்த நகைகளை அடமானம் வைத்து செலவு செய்தாா்.

இதுகுறித்த புகாரின் பேரில், ராஜபாளையம் வடக்கு போலீஸாா் போக்சோ சட்டத்தின் கீழ் வழக்குப் பதிவு செய்து, சதீஷ்குமாரை கைது செய்தனா். இந்த வழக்கு விசாரணை ஸ்ரீவில்லிபுத்தூரில் உள்ள விரைவு மகளிா் நீதிமன்றத்தில் நடைபெற்று வந்தது.

இதை விசாரித்த நீதிபதி புஷ்பராணி, குற்றஞ்சாட்டப்பட்ட சதீஷ்குமாருக்கு 20 ஆண்டுகள் சிறைத் தண்டனையும், ரூ.15 ஆயிரம் அபராதமும் விதித்து தீா்ப்பளித்தாா். அரசுத் தரப்பில் வழக்குரைஞா் ஜான்சி முன்னிலையானாா்.