மாணவியைக் கடத்திய இளைஞா் மீது வழக்கு

ஸ்ரீவில்லிபுத்தூா் அருகே பள்ளி மாணவியை கடத்திச் சென்ற இளைஞா் மீது போக்சோ சட்டத்தின் கீழ் போலீஸாா் வழக்குப் பதிவு செய்தனா்.

ஸ்ரீவில்லிபுத்தூா் அருகே உள்ள ஒரு கிராமத்தைச் சோ்ந்தவா் பெண் கருத்து வேறுபாடு காரணமாக கணவரைப் பிரிந்து தனியாக இரு மகள்களுடன் வசித்து வருகிறாா். இவரது 15 வயது மூத்த மகள் அதே பகுதியில் உள்ள ஒரு பள்ளியில் 10-ஆம் வகுப்பு படித்து வருகிறாா்.

சனிக்கிழமை இரவு தனிப் பயிற்சிக்கு சென்ற மாணவி இரவு வீடு திரும்பவில்லை. இதுகுறித்து அவரது வகுப்பு தோழிகளிடம் விசாரித்ததில், மாணவி சிவகாசி அருகே திருத்தங்கல் பகுதியைச் சோ்ந்த செல்வகணபதி என்பவருடன் பழகி வந்தது தெரியவந்தது.

இது குறித்து செல்வகணபதியின் தாயிடம் கேட்ட போது, செல்வகணபதி சிறுமியை அழைத்துக்கொண்டு திருப்பூா் சென்றது தெரியவந்தது. இதுகுறித்து சிறுமியின் தாய் அளித்த புகாரின் பேரில், ஸ்ரீவில்லிபுத்தூா் அனைத்து மகளிா் போலீஸாா் செல்வகணபதி மீது போக்சோ சட்டத்தின் கீழ் வழக்குப் பதிவு செய்து விசாரித்து வருகின்றனா்.