'அந்த போலீஸ்காரர் பழசை மறக்காதவர்..?''
'எப்படி?''
'இப்பவும் சைக்கிளில் யாராவது லைட் இல்லாம போனால் பிடிச்சி மாமூல் கேட்பாரு?''
-வி.சாரதி டேச்சு, சென்னை-5.
'கபாலி... நகையையும் திருடிட்டு, அது உன் நகைன்னு எப்படி சொல்றே... ?''
'அடகுக் கடையில் நான் அடகு வெச்ச ரசீது என்கிட்ட இருக்கு எஜமான்...''
-எம்.பி.தினேஷ், கோவை-25.
'இந்த டிராபிக் போலீஸ்காரர் ரொம்ப அநியாயமாக நடந்துக்கிறாரா? எப்படி?''
'குண்டா இருக்கிற என் மனைவியை பைக்கில் அழைத்துப் போனதுக்கு ஓவல் லோடு பைன் கட்ட சொல்றாரு...?''
-அ.செந்தில்குமார், சூலூர்.
'பெயிண்டரிடம் ஏன்யா.. நீ சண்டை போட்டே..?''
'ஐயா.. பிரசவத்துக்கு இலவசமுன்னு என்ஆட்டோவில் எழுதச் சொன்னா.. அவசரத்துக்கு இலவசமுன்னு எழுதிட்டாரு..?''
-ப.சோமசுந்தரம், சென்னை.
'பி.காம். படிச்சிட்டு எந்தத் தைரியத்துல எம்.பி.பி.எஸ்.ன்னு போர்டு மாட்டிட்டு கிளினீக் நடத்துனே..?''
'ஐயா.. முன்ஜாமீன் எடுத்து வைச்சிருக்கிற தைரியத்தில்தான்...!''
'அடுத்தடுத்து இரு ஜவுளிக்கடைகளில் திருடியிருக்கிறாய்...?''
'புடவை திருடினேன்.. மேட்சிங் பிளவுஸ் இல்லை.. அதான் இன்னொரு கடைக்குப் போனேன்..
எஜமான்..''
-பர்வீன் யூனுஸ், சென்னை.
'இந்தாம்மா.. உங்க புருஷன் பார்க்கில் வீடு தெரியாம முழிச்சிட்டு இருந்தாரு.. கூட்டிட்டு வந்தோம்...''
'என்னங்க முப்பது வருஷமா அந்த பார்க்குக்குதான் போறீங்க? அப்புறம் எப்படி வழி மறந்தது..?''
'(ரகசியமாய்) இல்லடி நடந்துவர சோம்பேறித்தனமா இருந்தது.. அதான் இப்படி செஞ்சேன்..?''
'ஏற்கெனவே ரெண்டு முறை திருடின வீட்டில் ஏன் இன்னிக்கும் போய் திருடினே...?''
'காலண்டரில் இந்த வாரம் புது முயற்சிகளைத் தவிர்க்கவும் போட்டிருந்தது.. அதான் எஜமான்...''
'வண்டிக்கு லைசென்ஸ், ஆர்.சி. புக், இன்சூரன்ஸ் எல்லாம் இருக்கா..?''
'இருக்கு சார்..''
'அப்புறம் ஏன்யா நிறுத்தாம போனே..?''
'பிரேக் இல்லை சார்...''
-ஏ.எஸ்.கோவிந்தராஜன், சென்னை.
'உங்க அப்பா போட்டதெல்லாம் கவரிங் நகையா...?''
'உங்க மகன் போலி டாக்டர்தானே.. பேசாம இருங்க அத்தே...''
'ஷட்டரை உடைச்சிட்டு ஏன் திருடாம வந்தே..?''
'அது கவரிங் நகைக்கடைன்னு அப்புறம்தான் தெரிஞ்சது எஜமான்...''
-அ.ரியாஸ், சேலம்.
'பக்கத்து வீட்டுல நேத்துதாம்பா புதுசா வைர நெக்ஸல் வாங்கிட்டு வந்திருக்காங்க.. அங்கே போய் திருடேன்..''
'அடுத்து அங்கே போறேம்மா...''
'இந்தா பீரோ சாவி.. வேண்டியதை எடுத்திட்டு சீக்கிரமா அங்கே போ...''
-வி.ரேவதி, தஞ்சாவூர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.