புளியோதரை  தயாரிக்கும்போது...

புளியோதரை  தயாரிக்கும்போது  அதனுடன்  பொடியாக  நறுக்கிய  இஞ்சி மற்றும்  வறுத்த  வேர்க்கடலையைச் சேர்த்தால்  புளியோதரை  மிகவும்  ருசியாக இருக்கும்.

பெரிய  துண்டு  கத்திரிக்காயை  நீளவாக்கில்  நறுக்கி  மைதாமாவில் தோய்த்து பொரித்தெடுத்து  சென்னா  கிரேவி  செய்து  இறக்கும்போது  கத்திரிக்காயை அதில் சேர்த்து  கொத்துமல்லித் தழையைத் தூவி  இறக்கினால்  சுவையான கத்திரிக்காய்  கோப்தா ரெடி.

மீந்து போன  தோசைமாவில்  பொட்டுக்கடலை மாவு  சிறிது  சேர்த்து  அத்துடன் வெங்காயம்,  பச்சைமிளகாய்,  கறிவேப்பிலை  நறுக்கிச் சேர்த்து  சுவையான பக்கோடா  செய்யலாம்.

உருளைக்கிழங்கை அரை வேக்காடாக  வேக வைத்து பிறகு ரோஸ்ட்  கறி செய்தால்  எண்ணெய்  அதிகம்  செலவாகாது.  மிகவும்  ருசியாகவும்  இருக்கும். 

மைக்ரோ  ஓவனில்  சமைக்கும்போது  காய்கறிகளை  ஒரே  அளவாக  நறுக்க வேண்டும்.  இல்லையென்றால்  சில வெந்தும்  சில வேகாமலும் இருக்கும்.

வாணலியில்  சிறிது எண்ணெய்விட்டு சூடாக்கி ஜவ்வரிசியைப் போட்டு  பொரித்து  எடுத்து  அதில்  கரம் மசாலா,  கேரட்  துருவல்,  மிளகாய்த் தூள்  கலந்து  செய்தால்  கரகர  மொறுமொறுவென்று  இருக்கும்.

உளுந்து  வடை செய்யும்போது  அரைத்து எடுத்துள்ள மாவில்  ஒருபிடி கோதுமை மாவு சேர்த்துப்  பிசைந்து  செய்தால் வடை  ருசியாக  இருப்பதுடன் எண்ணெய்யும்  குறைவாகவே தேவைப்படும்.

மாங்காய் தொக்கு,  எலுமிச்சைத் தொக்கு  என எந்த  தொக்கு  செய்தாலும் அதில்  கொஞ்சம்  எலுமிச்சைப் பழச்சாற்றை  பிழிந்தால்  தொக்கு  நீண்ட நாள்கள் கெடாமல் இருக்கும்.