பராமரிப்பு யோசனைகள்...

உபயோகிக்காமல் இருக்கும் ஃபிளாஸ்கில் சிறிது சர்க்கரையைப் போட்டு வைத்தால், துர்நாற்றம் அடிக்காது.

காஸ் அடுப்பில் பர்னரை 10 நிமிடங்கள் மண்ணெண்ணெயில் ஊறவைத்துப் பின்னர் பழைய டூத் பிரஷ் மூலம் சுத்தம் செய்யலாம்.

குக்கரின் கைப்பிடியில் இருக்கும் ஆணியில் மாதம் ஒருமுறை எண்ணெய்விட்டு வந்தால் துரு பிடிக்காமல் இருக்கும்.

நான்ஸ்டிக் பாத்திரங்களை மிருதுவான துணி கொண்டோ, ஸ்பாஞ்ச் கொண்டோ துடைக்க வேண்டும்.

கிரைண்டர் வாங்கும்போது கல் வெள்ளையாக இல்லாமல் கருப்புக் கல்லாக வாங்க வேண்டும்.

மிக்ஸியின் பிளேடுகள் மங்கிவிட்டால் கல் உப்பை ஒரு கைப்பிடி அளவு எடுத்து மிக்ஸியில் போட்டு ஒரிரு நிமிடங்கள் மிக்ஸியை ஓட்டவும். பிளேடுகள் கூர்மையாகிவிடும்.

பிரிட்ஜின் உள்பகுதியை சுத்தம் செய்யும்போது, கண்டிப்பாக சோப்புகளை உபயோகிக்கக் கூடாது. மாறாக, சோடா உப்பு கலந்த வெந்நீரை உபயோகிக்கலாம்.

குக்கரின் காஸ்கட் தளர்ந்து போய்விட்டால் பிரிஜ்ஜில் ஒருநாள் வைத்திருந்து பிறகு போட்டுப் பார்த்தால் சரியாக இருக்கும்.