வல்லாரைக் கூட்டு

தேவையான பொருள்கள்:

வல்லாரைக் கீரை- 1 கைப்பிடி அளவு

துவரம் பருப்பு- 100 கிராம்

தேங்காய்த் துருவல்- 2 தேக்கரண்டி

சீரகத்தூள்- அரை தேக்கரண்டி

சிறிய வெங்காயம்- 8

பச்சை மிளகாய்- 6

உப்பு- தேவையான அளவு

நெய், மஞ்சள் தூள், பெருங்காயம்- சிறிதளவு

தாளிக்க: கடுகு, உளுத்தம் பருப்பு, கறிவேப்பிலை.

செய்முறை:

வெங்காயம், பச்சை மிளகாயை வாணலியில் போட்டு வதக்கவும். பின்னர், சுத்தம் செய்து நறுக்கிவைத்துள்ள வல்லாரைக் கீரையை சேர்த்து வதக்கி அதனுடன் தண்ணீர் சேர்த்து வேகவிடவும். வெந்ததும் மஞ்சள் தூள், பெருங்காயத் தூள் சேர்த்து வேக வைத்த பருப்பை சேர்த்து கொதிக்க விடவும். கொதி வந்ததும் தேங்காய்த் துருவலைத் தூவி நெய்விட்டு தாளிப்புகளைத் தாளித்து கொட்டி இறக்கவும்.

கோ.இனியா, கிருஷ்ணகிரி.