அரைக்கீரை மசாலா

தேவையான பொருள்கள்:

அரைக்கீரை- 1 கட்டு (பொடியாக நறுக்கியது)

உருளைக் கிழங்கு- 2 (தோல் சீவி நறுக்கியது)

இஞ்சி பூண்டு விழுது- 1 மேசைக்கரண்டி

தக்காளி- 2 (பொடியாக நறுக்கியது)

வெங்காயம்-1 (பொடியாக நறுக்கியது)

மிளகாய்த் தூள்- 2 தேக்கரண்டி

பச்சை மிளகாய்- 2 நறுக்கியது

உப்பு, எண்ணெய்- தேவையான அளவு

சீரகம்- அரை தேக்கரண்டி

பட்டை- சிறு துண்டு

செய்முறை:

வாணலியில் சிறிது எண்ணெய் ஊற்றி, பச்சை மிளகாய், வெங்காயம், தக்காளி, இஞ்சி பூண்டு விழுது, மிளகாய்த் தூள் இவற்றைப் போட்டு நன்றாக வதக்கவும், பின்னர், உப்பு, உருளைக்கிழங்கு சேர்த்து ஒரு வதக்கு வதக்கி, 1 கிண்ணம் தண்ணீர் சேர்க்கவும்.

கீரையை நன்றாக வேகவைத்து, மசித்து உருளைக்கிழங்கு கலவையுடன் சேர்த்து கிளறி வேகவிடவும். கடைசியாக, சீரகம், பட்டை தாளித்துக் கொட்டி நன்றாகக் கிளறி எடுக்கவும். அரைக்கீரை மசாலா தயார்.