பாட்டி வைத்தியம்...

எதிர்பாராதவிதத்தில் வயிறு வலித்தால் இரண்டு தேக்கரண்டி சர்க்கரையை வாயில் போட்டு, தண்ணீர் குடித்தால் வலி போய்விடும்.

மாதவிலக்கின்போது ரத்தப் போக்கு அதிகமானால் சாதம் வடித்த கஞ்சியில் ஒரு டம்ளர் மோர்விட்டு குடித்தால் ரத்தப் போக்கு கட்டுப்படும்.

-ஆர்.கே.லிங்கேசன், மேலகிருஷ்ணன்புதூர்.

பரு வலியுடன் தொல்லை அளித்தால், ஊமத்தம் இலையை மஞ்சளுடன் அரைத்து இரவில் பற்று போட்டு. காலையில் கழுவலாம்.

-முக்கிமலை நஞ்சன்

வசம்புத் துண்டு ஒன்றை வாயில் அடக்கிக் கொண்டால், தொண்டைக்கட்டு குணமாகும்.

-விமலா சடையப்பன், காளனம்பட்டி.

முள்ளங்கியை அவித்துச் சாப்பிட்டால் மூலநோய் நன்கு தணியும்.

கீழாநெல்லி இலையை நன்றாக அரைத்து, பூசி வந்தால் தேமல் மறைந்து சருமம் இயல்வுநிலையை அடையும்.

-உ.ராமநாதன், நாகர்கோவில்.

முட்டைக்கோஸை சமைக்கும்போது, திறந்துவைத்து வேக வைக்க வேண்டும். அப்போதுதான் அதிலிருந்து ஹைட்ரஜன் வாயு வெளியேறும். வயிற்று உபாதைகளும் வராது.

தக்காளிச் சட்னியில் சில சொட்டு எலுமிச்சைச் சாறு கலந்தால், சுவை நன்றாக இருக்கும்.

தக்காளி ரசத்துக்கு தாளிதம் செய்யும்போது, சில புதினா இலைகளை வதக்கிச் சேர்த்தால், ரசம் மணமாக இருக்கும்.

-கே.பிரபாவதி, மேலகிருஷ்ணன்புதூர்.