மயில் - சிறுவர் பாடல்

மயிலும் இங்கே ஆடுது -நல்ல
மழையும் வரப் போகுது!
குயிலும் கூவிப் பாடுது -தன்
குரலால் தாளம் போடுது!

வட்டத் தோகை விரிக்குது
வண்ண மயில் சிலிர்க்குது!
நீண்ட கழுத்தை ஒடிக்குது
நல்ல ஆட்டம் நடக்குது!

என்ன என்ன வண்ணங்கள்
எங்கும் அழகுச் சின்னங்கள்!
பார்க்கப் பார்க்க அழகுதான்
பாலர் நமக்கு விருந்துதான்!

முருகன் மட்டும் போகவே
முதுகைக் காட்டும் வாகனம்!
நமக்கும் கூட ஆசையே
நாமும் ஏறிப் போகணும்!