சிறுவர் பாடல்: ஒட்டாத நீர்!

எண்ணெயோடு தண்ணியும்

ஏன் கலக்க முடியல?

என்னைக் கேட்ட போது அதுக்கு

பதில் சொல்லத் தெரியல!

எண்ணெய்க்கும் தண்ணீருக்கும்

மூலக்கூறு மாறுமாம்!

எண்ணெயின் மூலக்கூறில்

அணுக்கள் அளவு அதிகமாம்!

தண்ணீரின் மூலக்கூறில்

அதனை விட குறைந்ததாம்!

எண்ணெய் நீரின் மூலக்கூறு

தனித்தனியே இருப்பதால்

ரெண்டும் என்றும் இணையாமல்

எப்பொழுதும் இருக்குதாம்!

உண்மை அறிந்த போது இது

வியப்பாக இருக்குதாம்!