விருந்தாளி

 வாங்க வாங்க வாங்கவென்று
 வரவேற்றாங்க...
 இருங்க இருங்க இருங்கஎன்று
 அரவணைச்சாங்க...
 
 தங்கள் வரவு நல்வரவு
 என்று மகிழ்ந்தாங்க...
 குடிக்க மோரு கொடுத்துஉள்ளம்
 குளிரவச்சாங்க...
 
 ஆசை அன்பு காட்டிப் பேசி
 உளம் மகிழ்ந்தாங்க
 அடிக்கடி வரணும்என்று செல்ல
 அதட்டல் போட்டாங்க...
 
 உண்டு மகிழ பத்துவகை
 பண்ணி வச்சாங்க
 உண்ண உண்ண உண்ணச்சொல்லி
 ஊட்டிமகிழ்ந்தாங்க...
 
 பிரிய மனமின்றி அன்புவழிய
 அனுப்பி வச்சாங்க
 அடுத்தவிருந்துக்கு யாருனு அம்மா
 காத்திருக்காங்க...!