வானவில்

கறுப்பு மேகம் மீதிலே
 வெள்ளை ஒளி பட்டது
 கண்ணைக் கவரும் அழகிலே
 வான வில்லும் வந்தது
 
 சிவப்பு மற்றும் ஆரஞ்சு
 மஞ்சள் பச்சை நீலமும்
 ஆழ்ந்த நீல ஊதாவாய்
 வண்ணம் ஏழு காட்டுது
 
 அலங்கார வளைவு போல்
 காற்றின் மீது நிற்குது
 வானம் பூமி நடுவிலே
 பாதை ஒன்று போடுது
 
 வளைந்த தன் உருவிலே
 பணிந்து நடக்கச் சொல்லுது
 நிறங்கள் பல ஒன்றுகூடி
 அன்பின் பாடம் நடத்துது
 
 வியந்து நாங்கள் யாவரும்
 மெய் மறந்து நிற்கையில்
 எங்கள் மனதைத் திருடியே
 எங்கோ சென்று மறைந்தது!