ஆமையாரு!

 தரைமேலே பாறைபோல
 நகர்வது யாரு? - அவர்
 தவழத் தவழ நடந்துவரும்
 ஆமையாரு!
 
 முதுகில் என்ன மூட்டையைக்
 கொண்டு போறாரு? - அது
 ஓடு என்னும் பாதுகாப்பு
 கவசம் பாரு!
 
 எதிரிவந்தால் ஓட்டுக்குள் ஏன்
 ஒளிஞ்சுக்கிறாரு? - எங்கும்
 வம்பு தும்பு கூடாதென்று
 நினைக்கிறாரு!
 
 முயலை அன்று எப்படித்தான்
 ஜெயிச்சு வந்தாரு? - விடா
 முயற்சியின் ரகசியத்தைத்
 தெரிஞ்சுக்கிட்டாரு!
 
 தண்ணீரைக் கண்டதும் ஏன்
 இறங்கிவிட்டாரு? - காலை
 நீட்டித்தான் அவரங்கே
 நீந்தப் போறாரு!