"உழைப்பு' பொன்மொழிகள்!

* உழைப்பு மூன்று தீமைகளைக் களைகிறது.
பொழுது போகாமை...., 
கெட்ட பழக்கம்...., வறுமை! 
- வால்டேர்

* கடினமான உழைப்பு, தெய்வ வழிபாட்டுக்குச் சமம். 
- லால் பகதூர் சாஸ்திரி

* உழைப்பு இல்லாமல் வெற்றி கிடைக்காது. 
- ஜேம்ஸ் ஆலன்

* அடிமையைப் போல் உழைப்பவன் அரசனைப் போல் உண்பான். 
- கதே

* எண்ணங்கள் அனைத்தும் உயர்வாக இருக்க வேண்டும். அதை அடைய கடுமையாக உழைக்க வேண்டும். இதன் மூலம் சாதனைகள் படைக்க முடியும். 
- அப்துல் கலாம்.

* அடுத்தவர் பணத்தில் நெய்ச்சோறு உண்பதைக் காட்டிலும் தான் உழைத்து சம்பாதித்த பணத்தில் உண்ணும் தண்ணீரும் சோறும் சிறந்தது. அப்படி உண்பதில் 
மனநிறைவும் மகிழ்ச்சியும் உண்டாகும். 
- வாரியார் சுவாமிகள்.

* உழைக்க வேண்டுமென்பது சம்பாதித்து வயிற்றை நிரப்ப வேண்டும் என்பதற்கல்ல..., உரிய பெருமையுடன் வாழ்வதற்காகவே!  
-  ப்ரெளனிங்.

• உழைப்பு உடலைப் பலப்படுத்தும். கஷ்டங்கள் மனதைப் பலப்படுத்தும். 
- ப்ளெமிங்

• எப்போதும் பாடுபடு. துன்பம் போன்ற எல்லா பேய்களும் உழைப்பைக் கண்டால் ஓடி ஒளிந்து விடும். 
-மகாகவி பாரதியார்.
பி.சுப்ரமணியன்,  குரோம்பேட்டை.