கடி

""என் பையன் படு சமத்து!''
""ஏன்?''
""ஆன் லைன் க்ளாஸூக்குக்கூட சாப்பாடு கட்டச் சொல்றானே!''

ஏ . மூர்த்தி,
புல்லரம்பாக்கம் - 602023

""ஆன் லைன் கிளாஸ்ல என்ன நன்மை?''
""அடி வாங்காமப் படிக்கலாம்!''

ந . பரத்,
கோவிலாம்பூண்டி - 608002.

""ஒண்ணாந்தேதி பிறந்தா போதும்!.... எங்கப்பா சம்பளத்திலே ஐஸ்க்ரீம் வாங்கித் தருவார்!''
""எனக்கு வாங்கித் தருவாரா?.... நான் ஒண்ணாந்தேதிதான் பிறந்தேன்!''

உமர்,
கடையநல்லூர் - 627751.

"" என்னடா இது ஏதோ பறக்குது?''
""நாம ஒழுங்கா படிக்கிறோமான்னு "ட்ரோன்' மூலமா அப்பா செக் பண்றாரு!''

கே . இந்து குமரேசன், 
விழுப்புரம் - 605602

இரண்டு மாடுகள் பேசிக்கொள்கின்றன
""அந்த ஒட்டகம் என்னை கடுமையா திட்டிட்டுப் போகுது...''
""ரொம்ப "திமில்' பிடிச்சதா இருக்கும் போலிருக்கு!''

கே . முத்தூஸ்,
தொண்டி.

""ஏய் ராமு, ரொம்ப நாளாச்சு!  ஒரு போன் கூடக் காணோம்! 
""என்னது?....போனைக் காணோமா?....கம்ப்ளெயின்ட்  பண்ணியா?

கே . இந்து குமரப்பன்,
விழுப்புரம் - 605602