கோடைச் சூடு தீர்க்குமே!

நுங்கு சாறு குடிக்கலாம்

உடல் சூடும் தணிக்கலாம்

சங்கு நிற வெண்மையில்

உண்மை நிலவை ரசிக்கலாம்!

கண்ணாடி போல் நுங்குமே

கன்னத் திலும் தேய்க்கலாம்

உடல் முழுக்கத் தடவிதான்

ஓடும் நீரில் குளிக்கலாம்!

மண்ணில் வளரும் மரத்திலே

ஒற்றைக் கொம்பாய் வளருது

கொல கொலையா பனங்காய்கள்

காய்த்துத் தொங்கச் சிரிக்குது!

தமிழர் அடையாளம் சொல்லுது

தனித்து உயர்ந்து சிறக்குது

அமிழ்தாய் இருக்கும் பனைமரம்

அரியணை சிறப்பைத் தந்திடும்!